Gue na tënë ti yâ ni

Gue na gbe ti menu

aTémoin ti Jéhovah

Sango

Nyen la mbi peut ti sara ti wara nzoni note na ekole?

Nyen la mbi peut ti sara ti wara nzoni note na ekole?

Ye so mo peut ti sara

Duti na nzoni bango ndo! A yeke duti ande ngangu na mo ti wara nzoni note tongana na yâ ti li ti mo mo pensé so mo lingbi ti mo ti wara nzoni note ape. Tongana mo komanse ti pensé so mo hinga ye ape, sara kue ti changé mara ti pensé ni so na duti na nzoni bango ndo. Na tapande, tongana azo akasa lani bazengele Paul (peut-être sân raison) ala tene lo hinga ti sara tënë ape, lo tene na ala lo tene: “Même tongana kode ti sarango tënë amanke mbi, ti tâ tënë ni hingango ye amanke mbi pëpe.” (2 aCorinthien 10:10; 11:6). Paul ahinga so ambeni ye ayeke dä so lo hinga ti sara ni nzoni ape. Me lo hinga nga so ambeni ye ayeke dä so lo hinga ti sara ni nzoni. Ka mo, aye wa la mo hinga ti sara ni nzoni? Tongana mo hinga ni ape, mo peut ti hunda mbeni kota zo so ayeke na nzara ti aidé ka azo. Mara ti kamarade tongaso ayeke aidé mo ti hinga aye so mo hinga ti sara ni nzoni nga ti wara aye ti nzoni dä.

Duti na nzoni habitude ti mandango ye. Ti réussir na ekole mbeni nduru lege ayeke dä ape. Nyen na nyen, mo doit ti manda ye. Gï na mango tënë ni so apeut peut-être ti sara mo nzoni ape. Me, mandango ye ayeke anzoni. Tongana mo sara effort gï kete, mo yeke bâ so ayeke mbeni ye so anzere. Tongana mo ye ti duti na nzoni habitude ti mandango ye, alingbi mo leke yâ ti angoi ti mo. A lingbi mo hinga so mandango ye adoit ti duti kota ye na lê ti mo. A yeke tâ tënë so Bible atene so “ngoi ti hengo ngia” nga “na ngoi ti dodo” ayeke dä (Zo-ti-fa-tene 3:1, 4; 11:9). Legeoko tongana ti gbâ ti amaseka, peut-être mo kue mo ye ti mû mbeni ngoi ti sara ngia. Me Zo-ti-fa-tene 11:4 amû wango so: “Zo so ayeke bâ pupu, lo yeke lu ande angongoa ti kobe pëpe; na zo so ayeke bâ ambinda, lo yeke ko ande lê ti kobe pëpe.” Nyen la versê so aye ti fa? Pusu ngoi ti mandango ye ti mo na peko ape. Tongaso ape mo yeke wara lege ti sara ni nzoni ape. Manda ye kozo, na pekoni mo peut ti sara ngia senge. Gi bê ti mo ape, mo peut ti wara ngoi ti sara aye ni so use kue!

Legeoko tongana ti so ti yô wen ayeke kpengba amuscle ti mo, nzoni habitude ti mandango ye alingbi ti sara si mo wara nzoni note na ekole.