Gue na tënë ti yâ ni

HUNDA TI AMASEKA

Ngbanga ti nyen ti gue na abungbi na Da ti Royaume?

Ngbanga ti nyen ti gue na abungbi na Da ti Royaume?

Fani use na yâ ti yenga oko, aTémoin ti Jéhovah ayeke sara abungbi na ando so ala yeke voro Nzapa dä, so a iri ni Da ti Royaume. Nyen la ala yeke sara kâ? Nga tongana mo gue na abungbi ni so, aye ti nzoni wa la mo yeke wara?

 Nyen la ayeke passé na Da ti Royaume?

Na Da ti Royaume a yeke fa na e tongana nyen ti sara ye alingbi na ye so Bible afa. Abungbi so ayeke sara dä apeut ti aidé mo:

  • ti manda tâ tënë na ndö ti Nzapa.

  • ti hinga nda ti aye so ayeke si laso na yâ ti dunia.

  • ti ga mbeni nzoni zo.

  •  ti wara anzoni kamarade.

Mo hinga? A-Témoin ti Jéhovah airi ndo so ala yeke voro Nzapa dä Da ti Royaume ndali ti so na ndo ni so ala yeke sara tënë mingi na ndö ti Royaume ti Nzapa.​—Matthieu 6:9, 10; 24:14; Luc 4:43.

 Ngbanga ti nyen a lingbi mo gue na Da ti Royaume?

Aye so a yeke fa kâ ayeke aidé mo. Amama-ndia ti Bible so a yeke sara tënë na ndö ni na ngoi ti abungbi ti aTémoin ti Jéhovah ayeke aidé mo ti “wara ndara”. (aProverbe 4:5). Ye so afa so Bible alingbi biani ti aidé mo ti mû anzoni desizion na yâ ti gigi ti mo. Bible alingbi nga ti aidé mo ti wara kiringo tënë na akota hundango tënë so abâ gigi ti e, na tapande:

Ambeni li ti tënë ti akota fango tënë ti Nzapa so a yeke sara ni na abungbi ti e ti nda-yenga ayeke so:

  • Ngbanga ti nyen ti zia si Bible afa lege na e?

  • Na ngoi ti ye ti vundu mo lingbi ti wara mungo maboko na ndo wa?

  • Ye so Royaume ti Nzapa ayeke sara teti e laso.

“Mbeni kamarade ti mbi ti klase ague lani na mbeni bungbi ti e. Lo duti na terê ti mbi na sewa ti mbi, na lo suivre bungbi ni legeoko na e na yâ ti ambeti ti e. Na pekoni lo tene na mbi so bê ti lo apika mingi ti mä acommentaire so azo amû ni na ngoi ti mbeni mbage ti bungbi ni so a zia lege na azo kue ti kiri tënë dä. Lo tene nga na mbi so na Églize ti lo, ala yeke na ambeti ti bungbi tongana ti e ape.”​Brenda.

Mo hinga? Zo kue alingbi ti lï senge na Da ti Royaume, nga a yeke ro nginza kâ ape.

Ambeni zo so ayeke gue nga na abungbi ni ayeke encouragé mo. Bible afa so mbeni raison so aChrétien ayeke sara bungbi place oko ayeke ti “wa terê na popo ti” ala (aHébreu 10:24, 25). So e yeke na yâ ti mbeni dunia so mingi ti azo ni aye gï ti pensé na ala wani so, e yeke wara ande dengo bê tongana e bungbi legeoko na azo so apensé na Nzapa nga na amba ti ala ahon ti pensé gï na interêt ti ala.

“Tongana mbi sara gbâ ti aye na yâ ti mbeni lango, si terê ti mbi anzere ape nga mbi fatigué mingi, na Da ti Royaume azo ayeke sara lakue si mbi sentir terê ti mbi bien. Na kiringo ti mbi na yanga-da na peko ti bungbi ni, mbi yeke na ngia nga mbi wara courage ndali ti lango so ayeke ga na pekoni.”​Elisa.

Mo hinga? Congrégation ti aTémoin ti Jéhovah na yâ ti dunia kue ahon 120000, nga wungo ti ando so ala yeke sara abungbi ti ala dä ahon 60000. Ngu oko oko, a yeke leke aDa ti Royaume ahon 1500 tongaso, ndali ti so wungo ti azo so ayeke gue na abungbi ni ague na li ni. *

^ par. 27 Ti hinga mbeni ndo so a yeke sara bungbi ni dä, gue na mbage so atene “Ngoi ti abungbi ti aTémoin ti Jéhovah” na pete na ndö ti tënë so atene “Gi ndo ni so ayeke nduru na mo.”