Gue na tënë ti yâ ni

Bible atene nyen na ndö ti koli na wali so ayeke vivre sân ti sara mariage?

Bible atene nyen na ndö ti koli na wali so ayeke vivre sân ti sara mariage?

Kiringo tënë ti Bible

Bible atene so Nzapa aye si azo “[a]gbanzi terê ti ala na lango-sioni.” (1 aThessalonicien 4:3). Ti Bible tënë “lango-sioni” andu gingo mbeni koli wala mbeni wali nde, bungbingo ti koli na koli wala wali na wali, nga na bungbingo ti koli na wali so asara mariage ape.

 Ngbanga ti nyen la atâa koli na wali asara mariage wala ala sara mariage ape si ala vivre ndo oko, tënë ni so ayeke kota ye na lê ti Nzapa?

  • Nzapa la azia gere ti mariage na sese. Lo zia gere ti mariage na sese na temps so lo bungbi kozo koli na kozo wali ndo oko (Genèse 2:22-24). Lo leke lani pëpe ti tene mbeni koli na mbeni wali avivre ndo oko sân ti sara mariage.

  • Nzapa ahinga ye so ayeke nzoni ndali ti azo. Lo ye si koli na wali so asara mariage awe angbâ lakue na mba; mariage so ala sara ayeke ga na ye ti nzoni na azo ti sewa ni kue nga ayeke bata ala. Zia e bâ mbeni tapande. Azo ti lekengo mbeni gbakuru ayeke mû ka na azo mbeni mbeti ti fa tongana nyen ti monté aye ti terê ti gbakuru ni oko oko nzoni; legeoko nga atënë so Nzapa atene ayeke fa na e tongana nyen ti sara si songo ti azo na yâ ti sewa akpengba. Andia ti Nzapa ayeke ga lakue na nzoni ye na azo so asara ye alingbi na ni.—Ésaïe 48:17, 18.

    Azo ti lekengo mbeni gbakuru ayeke mû ka na azo mbeni mbeti ti fa tongana nyen ti monté aye ti terê ti gbakuru ni oko oko nzoni; legeoko nga atënë so Nzapa atene ayeke fa na e tongana nyen ti duti na ngia na yâ ti sewa

  • Ti gi koli wala wali sân ti sara mariage apeut ti ga na angangu kpale. Na tapande, ye ti pekoni apeut ti duti ngo so mo ye ni ape, akobela so zo ayeke wara na lege ti bungbingo koli na wali, nga na kota vundu. *

  • Nzapa amû lege na akoli na awali ti dü tongana ala bungbi koli na wali. Nzapa abâ fini na nene ni mingi, nga so lo mû lege na azo ti dü amolenge ayeke mbeni cadeau ti ngangu ngere. Nzapa aye si e ne cadeau so na lege so e sara ye alingbi na ye so lo fa na ndö ti mariage.—aHébreu 13:4.

 A yeke na lege ni ti tene koli na wali avivre ndo oko ti bâ wala ala peut ti mä terê awe si ala sara mariage?

Ti tene mbeni koli na wali aduti na ngia na peko ti mariage ti ala, secret ni ayeke pëpe ti tene kozo na mariage ti ala, ala vivre ndo oko teti mbeni ngoi ti bâ wala ala peut ti sara mariage wala ala doit ti zia terê. Me nde na so, songo ti koli na wali ayeke kpengba mingi tongana zo oko oko na yâ ti li ti lo apensé ti ngbâ lakue na mba nga tongana ala use kue la ayeke gi ti leke akpale so ala tingbi na ni. * Mariage ayeke sara si koli wala wali abâ yanga so lo mû ti ngbâ na mba ti lo na nene ni mingi.—Matthieu 19:6.

 Tongana nyen la mbeni koli na wali so asara mariage apeut ti kpengba songo ti ala?

Mbeni mariage so ayeke mbilimbili-kue ayeke dä ape. Me, tongana koli na wali so asara mariage asara ye alingbi na awango ti Bible, ala peut ti duti na ngia na yâ ti sewa ti ala. Bâ ambeni wango ni la: