Gue na tënë ti yâ ni

Gue na gbe ti menu

aTémoin ti Jéhovah

Sango

Eskê Nzapa ayeke punir azo na lege ti akpale tongana ngu so asuku amû ndo wala yengingo ti sese?

Eskê Nzapa ayeke punir azo na lege ti akpale tongana ngu so asuku amû ndo wala yengingo ti sese?

Kiringo tënë ti Bible

Bible afa pëpe so Nzapa la asara si akpale tongana ngu so asuku amû ndo wala yengingo ti sese asi. Akota kpale ni so ayeke si so ayeke pëpe fango ngbanga ti Nzapa la.

  1. Nzapa ayeke sara ye gï tongaso ape. Bible atene: “Zo ayeke bâ gï ye so lê ti lo ayeke bâ, me Jéhovah abâ ye so ayeke na yâ ti bê ti zo.”—1 Samuel 16:7.

  2. Jéhovah ahinga ye so ayeke na yâ ti bê ti azo oko oko nga lo yeke futi gï azo ti sioni.—Genèse 18:23-32.

  3. Nzapa ayeke gboto mê ti azo kozo si lo sara mbeni ye, na ye so ayeke mû lege na azo so amä lo ti sö kuâ.

Me akpale tongana ngu so asuku amû ndo wala yengingo ti sese ayeke si ka na mbeni ngoi so e ku terê ti e na ni ape, nga a yeke fâ azo ti nzoni nga na azo ti sioni. Na ndö ni, azo la asara si akpale ni akiri aga encore kota mingi. Na tapande, ala yeke buba aye so angoro e nga ala yeke leke ada na ando so sese ayeke yengi dä mingi wala na ando so ngu apeut ti suku amû ni hio.