Gue na tënë ti yâ ni

Gue na gbe ti menu

aTémoin ti Jéhovah

Sango

Ngbanga ti nyen la a iri Jésus Molenge ti Nzapa?

Ngbanga ti nyen la a iri Jésus Molenge ti Nzapa?

Kiringo tënë ti Bible

Nzapa ayeke na wali pëpe so lo na lo adü amolenge. Me, lo la lo sara aye kue so ayeke na fini (Apocalypse 4:11). Ndani la a iri Adam, so ayeke lani kozo zo so Nzapa asara lo, “molenge ti Nzapa.” (Luc 3:38). Legeoko nga, Bible afa so Nzapa la asara Jésus. Ni la, a iri nga Jésus “Molenge ti Nzapa.”—Jean 1:49.

Nzapa asara Jésus kozoni si lo sara Adam. Bazengele Paul asû tënë so na ndö ti Jésus, lo tene: “Lo yeke image ti Nzapa so lê ayeke bâ lo pëpe, kozo ye na popo ti aye kue so Nzapa asara.” (aColossien 1:15). Jésus ayeke ti lo na fini asara angu mingi awe kozo si a dü lo na mbeni place so a yeke bata anyama dä na Bethléhem. Ni la, Bible atene so lo ‘bâ gigi ândö giriri, yongoro kâ.’ (Michée 5:2). Jésus so ayeke kozo Molenge ti Nzapa ayeke lani mbeni créature ti yingo na yayu kozoni si a dü lo tongana zo na ndö ti sese. Lo wani lo tene: “Mbi londo na yayu”.—Jean 6:38; 8:23.