Atënë ti mabe ti e / Eskê ala mä na bê na Jésus?

En. E mä na bê na Jésus, lo so atene: “Mbi yeke lege ni, tâ tënë na fini. Zo oko alingbi ti ga na Babâ na mbeni lege nde pëpe, gï na lege ti mbi.” (Jean 14:6). E mä na bê so Jésus alondo na yayu la lo ga lani na sese na lo mû fini ti lo so ayeke mbilimbili-kue tongana mbeni ye so a futa ti zi azo (Matthieu 20:28). So lo kui nga a zingo lo na kuâ azi lege na azo kue so amä na bê na lo ti wara fini ti lakue lakue (Jean 3:16). E mä na bê nga so Jésus ayeke fadeso Gbia na yâ ti Royaume ti Nzapa na yayu, so na yâ ti kete ngoi lo yeke ga ti zia siriri na ndö ti sese kue (Apocalypse 11:15). Ye oko, e yeda na tënë so Jésus lo wani lo tene: “Babâ ayeke kota ahon mbi.” (Jean 14:28). Ni la, e yeke voro Jésus pëpe, tongana ti so e mä na bê nga pëpe so Jésus ayeke Nzapa so ngangu ti lo ahon angangu kue.