Gue na tënë ti yâ ni

Gue na gbe ti menu

aTémoin ti Jéhovah

Sango

Eskê aTémoin ti Jéhovah ayeke aChrétien?

Eskê aTémoin ti Jéhovah ayeke aChrétien?

En. E yeke aChrétien na araison ni ayeke so:

  • E yeke sara kue ti mû gï peko ti aye so Jésus afa nga e gi ti mû peko ti tapande ti Jésus Christ.—1 Pierre 2:21.

  • E mä na bê so Jésus la ayeke oko lege so zo ayeke mû ni ti wara na salut, ndali ti so “mbeni iri nde ayeke dä pëpe na gbe ti yayu so a mû ni na azo, so gï na lege ni si e lingbi ti wara salut.”—Kusala 4:12.

  • Tongana zo aga Témoin ti Jéhovah, a yeke batize lo na iri ti Jésus.—Matthieu 28:18, 19.

  • E yeke sambela na iri ti Jésus.—Jean 15:16.

  • E mä na bê so Jésus ayeke mokonzi ti akoli oko oko kue.—1 aCorinthien 11:3.

Me na yâ ti aye mingi e yeke ti e nde na tanga ti abungbi ti vorongo nzapa so a iri ala aChrétien. Na tapande, e mä na bê so Bible afa so Jésus ayeke molenge ti Nzapa, me lo yeke Nzapa Molenge pëpe (Marc 12:29). E mä na bê so âme ayeke kui, nga Bible afa pëpe so Nzapa ayeke sara pasi na azo lakue lakue na yâ ti enfer, nga azo so ayeke mû li ni na yâ ti bungbi adoit ti mû pëpe atitre so asara si a bâ ala kota na ndö ti amba ti ala.—Zo-ti-fa-tene 9:5; Ézéchiel 18:4; Matthieu 23:8-10.