Adriana, so ayeke na kodro ti Brésil atene: “Mbi yeke gi ka bê ti mbi mingi, mawa ahon ndö ti mbi nga mbi yeke na espoir ape. Aye so asara si mbi bâ so a yeke nzoni mbi fâ terê ti mbi.”

A SI NA mo awe ti tene mawa asara mo mingi juska nzara ti gigi asigi na yâ ti mo? Tongana a si na mo awe, mo yeke comprendre Adriana. Lo yeke na mbeni kobela so asara si lo yeke gï lakue na yâ ti kota vundu.

Kaoru, mbeni koli ti kodro ti Japon so ayeke bâ lani lege ti babâ na mama ti lo so aga mbakoro, atene: “Na temps ni so, kua ahon ndö ti mbi mingi na place ti kua. Mbeni ngoi na pekoni, nzara ti kobe asigi na yâ ti mbi nga mbi lango nzoni ape. Mbi pensé ti fâ terê ti mbi tongaso si aproblème ti mbi ahunzi.”

Ojebode, mbeni koli na Nigéria atene: “Lakue mbi yeke gï lani na vundu, juska a sara si mbi yeke toto; tongaso mbi gi lani lege ti fâ terê ti mbi.” Merci so Ojebode, Kaoru, nga na Adriana afâ terê ti ala ape so. Me ngu oko oko, azo mingi ayeke fâ terê ti ala.

NA NDO WA LA MO PEUT TI WARA MUNGO MABOKO?

Mingi ni, akoli la ayeke fâ ka terê ti ala mingi. Gbâ ti ala abâ so a yeke kota ye ti kamene ti gi mungo maboko. Me Jésus atene lani so azo ti kobela la ayeke na bezoin ti wanganga (Luc 5:31). Tongana mo kue vundu asara mo mingi, si mo wara pensé ti fâ terê ti mo, pardon sara kamene ape, gi ti tene a aidé mo. Gbâ ti azo so ayeke na yâ ti kota vundu abâ so ambeni yorö a-aidé ala ti duti nzoni. Ojebode, Kaoru, na Adriana kue awara mungo maboko ti adocteur, na fadeso ala yeke nzoni.

Adocteur apeut ti mû yorö na mbeni zo, ti causé na lo wala même ti sara aye ni so use kue ti aidé lo ti sigi na yâ ti kota vundu ti lo ni. Azo so vundu asara ala abezoin ti tene afami nga akamarade ti ala acomprendre ala, akanga bê na ala, apensé na ala nga a-aidé ala. Kota kamarade so zo kue apeut ti wara ayeke Jéhovah Nzapa. Lo fa ambeni pendere ye na yâ ti Bible so apeut ti aidé e.

MBENI YE SO APEUT TI LEKE KPALE NI BIANI BIANI AYEKE DÄ?

Mingi ni, azo so ayeke na yâ ti kota vundu ayeke peut-être na bezoin ti nyon ambeni yorö teti mbeni ngoi so aninga, wala ti changé ambeni ye na yâ ti gigi ti ala. Me, même si mo yeke tiri ti hon ndö ti kota vundu, mo peut ti duti na beku ti mbeni pendere gigi ti kekereke tongana ti Ojebode. Lo tene: “Mbi ngbâ ti ku kungo ti bâ tongana nyen la Ésaïe 33:24 ayeke ga tâ tënë, so a tene so na mbeni ngoi ande zo oko na sese ayeke tene ape ‘Mbi yeke na kobela.’” Tongana ti so Ojebode asara, gi ti wara dengo bê na yâ ti zendo ti Nzapa ti “fini sese,” so “pasi” ayeke duti ande dä ape (Apocalypse 21:1, 4). Zendo ti Nzapa so aye ti fa nga so vundu ayeke duti ande dä ape. Kota vundu so asara mo ayeke hon biani biani. Mo yeke dabe ti mo ande pëpe na kota vundu so asara mo fadeso ‘nga mo yeke bi bê ti mo na ni pëpe.’​—Ésaïe 65:17.