Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Mbeti ti Bungbi—Kusala ti e nga na gigi ti e ti Chrétien  |  Octobre 2017

 GIGI TI E TI CHRÉTIEN

Fini ti e ayeke ti sepela na Jéhovah

Fini ti e ayeke ti sepela na Jéhovah

Fini ayeke mbeni kota matabisi. Lege so e yeke sara kua na matabisi so lâ oko oko la ayeke fa wala e bâ ni na nene ni mingi. E aTémoin ti Jéhovah, e yeke sara ngangu ti sara kua na akode ti e nga na ngangu ti e ti sepela na Jéhovah, Lo so amû na e fini (Ps 36:9; Apc 4:11). Me, agingo bê ti e ti lâ oko oko na yâ ti sioni dunia so alingbi ti sara si e kiri na akua ti Jéhovah na peko (Mc 4:18, 19). A yeke nzoni zo oko oko ahunda terê ti lo: ‘Eskê mbi yeke mû na Jéhovah aye ti mbi so ayeke nzoni mingi? (Os 14:2). Kua ti mbi akanga lege na mbi ti sara na Jéhovah? Aye wa la mbi zia na gbele mbi ti si dä na yâ ti kua ti Jéhovah? Tongana nyen la mbi lingbi ti fa tënë mingi ahon ti kozo?’ Tongana mo bâ so ambeni ye ayeke dä ti changé, sambela Jéhovah ti mû maboko na mo nga sara achangement so a hunda. Biani, ti sepela Jéhovah lâ oko oko ayeke sara si e duti na ngia na yâ ti fini ti e.—Ps 61:8.

Mo yeke sara kua na akode ti mo na zo wa?

BÂ VIDÉO MÛ AKODE TI MO TI SARA NA JÉHOVAH, NA PEKONI KIRI TËNË NA AHUNDA SO GE:

  • Ngbanga ti nyen a yeke na lege ti ndara ape ti tene mo mû akode ti mo ti sara na kua na dunia ti Satan so? (1Jn 2:17)

  • Azo so amû aye ti ala so ayeke nzoni mingi na Jéhovah ayeke wara aye ti nzoni wa?

  • Akua wa so ayeke nzoni-kue mo lingbi ti duti volontaire ti mû ahingango ye ti mo nga na akode ti mo ti sara na ni?