Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

MBETI TI BUNGBI—KUSALA TI E NGA NA GIGI TI E TI CHRETIEN NOVEMBRE 2016

 GIGI TI E TI CHRÉTIEN

Bible alingbi ti fa nyen na e?: Lege ti sara kua na ni

Bible alingbi ti fa nyen na e?: Lege ti sara kua na ni

Buku Bible alingbi (ade a sigigi na buku so na yanga ti Sango ape) nga na buku Bible afa nyen akpa tere. Agbakuru so use kue so e yeke sara kua na ni ti fa na ye na azo ayeke na a-oko tâ tënë nga a leke molongo ni legeoko. Me, a sara kua na atënë so akpengba ape nga so ayeke polele na yâ ti buku Bible alingbi. A sigigi na ni ndali ti azo so ayeke ngangu na ala ti gbu nda ti buku Bible afa nyen. A hon ti tene a wara ambeni tënë ti bâ na ndo ni na yâ ti buku Bible alingbi, a yeke wara akete tënë so afa ambeni tënë na mbeni lege so akpengba ape na ndo ti ambeni kota tënë nga na ambeni ye so ayeke na yâ ti mbeti ni. Achapitre ni ayeke pëpe na ahundango tënë ti tongo nda ni nga na encadré “Ye so Bible afa”. Me, na hunzingo ti chapitre ni ayeke wara mbeni nduru tënë ti atâ tënë ti Bible so afa ni awe na yâ ti chapitre ni. Legeoko tongana ti buku Bible afa nyen, a lingbi ti zia buku Bible alingbi na mbeni zo na ngoi kue, même si ayeke pëpe na yâ ti nze so a yeke kangbi ni na azo. Tongana nyen la e lingbi ti sara kua na nduru tënë nga na akete tënë so ayeke na yâ ti buku Bible alingbi na ngoi so e yeke manda Bible na mbeni zo?

NDURU TËNË: Ti mingi ti azo, kode so e yeke manda ka na Bible na azo, so ayeke ti diko paragraphe na ti hunda tënë ni ayeke nzoni mingi. Si tongana wamandango ye ni ahinga yanga ti kodoro ni nzoni pëpe wala lo hinga ti diko ni nzoni ape, mo lingbi ti soro ti sara kua na buku Bible alingbi. Wala ti sara kua na anduru tënë ti chapitre ni ti manda na ye ni nga ti wa lo ti diko chapitre ni lo wani. A lingbi ti fa tâ tënë ti Bible oko na ngoi ti mbeni étude na yâ ti penze-ngbonga 15. Ndali ti so a yôro anzene nzene tënë pëpe na yâ ti nduru tënë ti chapitre ni, a lingbi wafango ye ni aleke tere ti lo nzoni, na batango na li abezoin ti wamandango ye ni. Tongana wafango ye ni ayeke sara étude ni na ndo ti chapitre ni, lo lingbi ti sara kua na anduru tënë ti chapitre ni tongana mbeni tënë ti dango bê.

AKETE TËNË: Ambeni kota tënë nga na ambeni ye so ayeke na yâ ti akete tënë ayeke na molongo ni tongana ti so asigigi na yâ ti achapitre ni. Wafango ye ni alingbi ti soro ti sara lisoro na ndo ti akete tënë so ayeke na yâ ti buku Bible alingbi na ngoi ti étude ni wala pëpe.