Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Mbeti ti Bungbi—Kusala ti e nga na gigi ti e ti Chrétien  |  Mars 2017

 GIGI TI E TI CHRÉTIEN

Mû maboko na sewa ti mo ti dabe na Jéhovah

Mû maboko na sewa ti mo ti dabe na Jéhovah

Nzapa atokua lani Jérémie ti gboto mê ti aJuif na ndö ti futingo so aga nduru ti si ndali ti so ala girisa Jéhovah, Nzapa ti ala (Jér 13:25). Azo ti mara ni asara tongana nyen la ala tï na lege ti yingo tongaso so? Azo ti Israël agirisa aye ti yingo. A yeke polele so amokonzi ti sewa asara ye lani alingbi na fango lege ti Nzapa so ayeke na Deutéronome 6:5-7 so ape.

Laso, asewa so akpengba na lege ti yingo la asara si acongrégation aluti nzoni. Amokonzi ti sewa alingbi ti mû maboko na azo ti sewa ti ala ti dabe ti ala na Jéhovah na lege ti nzoni kapa ti vorongo Nzapa na yâ ti sewa (Ps 22:27). Na peko ti so mo bâ vidéo A lingbi commandement so aduti na bê ti mo—Interview na asewa, kiri tënë na ahundango ndo so ge:

  • Tongana nyen la ambeni sewa ahon ndö ti akpale so akanga lege na ala ti voro Nzapa na yâ ti sewa?

  • Ambeni nzoni ye ti peko ti nzoni kapa ti vorongo Nzapa na yâ ti sewa lakue ayeke so wa?

  • Na ndö ti tënë ti vorongo Nzapa na yâ ti sewa, akpale wa la mbi wara? Tongana nyen la mbi leke ti hon ndö ni?