Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Mbeti ti Bungbi—Kusala ti e nga na gigi ti e ti Chrétien  |  Mars 2017

 GIGI TI E TI CHRÉTIEN

Lege ti sara kua na brochure Mä Nzapa

Lege ti sara kua na brochure Mä Nzapa

A sigi lani na brochure Mä Nzapa ti fa na akpengba tâ tënë ti Bible na lege ti afoto na azo so ayeke na kpale ti dikongo mbeti. Ye ti manda oko oko ayeke na alembeti use. A leke nzoni mingi afoto so a zia aflèche na terê ni ti mû lege ti sara lisoro na ndö ti afoto ni na peko ti terê.

A yeke wara na yâ ti brochure Mä Nzapa si mo wara fini ti lakue lakue a-oko foto so ayeke na yâ ti Mä Nzapa; me ti Mä Nzapa si mo wara fini ti lakue lakue, ambeti ayeke dä nga azo so ahinga ti diko mbeti kamême alingbi ti manda ni. Mingi ni, awafango tënë aye ti sara kua na ni tongana zo so ala yeke manda ye na lo ayeke ti lo na Mä Nzapa. Na yâ ti mingi ti alembeti ni a yeke wara mbeni encadré nga na ambeni sango so a lingbi ti sara lisoro na ndö ni, tongana a lingbi na ngangu ti wamandango ye ni.

Mo lingbi ti fa tënë na brochure ni na nze kue, même tongana ni la a yeke fa na tënë na nze ni pëpe. Na ngoi ti mbeni étude, sara kua na afoto ni ti fa nda ti mbaï ti Bible. Hunda atënë na wamandango ye ni ti tene lo sara tënë nga sara si lo mä yâ ni. Diko aversê so a zia na gbe ti lembeti oko oko nga sara lisoro na ndö ni. Tongana ala hunzi brochure ni, ala manda Bible afa nyen biani? wala Bible alingbi ti fa nyen na e? ti mû maboko na wamandango ye ni ti gue na li ni ti wara batême.