Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

MBETI TI BUNGBI—KUSALA TI E NGA NA GIGI TI E TI CHRETIEN MARS 2016

 MAÏ AKODE TI FANGO TËNË TI MO

Maï akode ti fango tënë ti mo—Leke kode ti mo wani ti fa na périodique

Maï akode ti fango tënë ti mo—Leke kode ti mo wani ti fa na périodique
TI BÂ NI
Text
Image

NDANI SO A YEKE KOTA YE: Atâa so akode ti fango na tënë so ayeke na yâ ti mbeti ti bungbi ayeke mû maboko na e mingi, a yeke akode ni kue la ape. Mo lingbi ti sara kua na atënë ti mo wani. Mo lingbi ti sara kua na mbeni kode ni nde wala mbeni tënë so alingbi ti ndu bê ti azo ti ndo ni mingi. Na peko ti so mo diko périodique ni, mo bâ akode ti fango na tënë ni nga na avidéo so afa kode ti fango na tënë ni awe, mo lingbi ti sara kua na awango so ti leke kode ti fango na tënë ti mo wani.

LEGE TI SARA NI:

Hunda tere ti mo, ‘eskê mbi peut ti sara kua na mbeni oko ti akode ti fango na tënë so?’

EN

  • Leke mbeni tënë ti tongo nda ni. Na peko ti so mo bara zo ni awe, fa nda ti gango ti mo. (Na tapande: “Mbi yeke ge ngbanga ti so . . . ”)

  • Bâ tongana nyen la hundango tënë, versê nga na mbeti ni ague oko. (Na tapande: Ti yôro mbeni versê, mo lingbi ti tene: “E lingbi ti wara nzoni kiringo tënë na hundango tënë so ayeke ge.”)

ÊN-ËN

  • Gi mbeni article ti yâ ti mbeti ni so agbu bê ti mo nga so mo lingbi ande ti sara na kua na yâ ti territoire ti mo

  • Bâ mbeni hundango ndo so mo lingbi ti hunda na zo so mo wara lo ti fa bango ndo ti lo si ala sara lisoro na ndo ni me pëpe ti mû wango na lo. (Na tapande: ahundango tënë so ayeke na lembeti 2 ti périodique ni.)

  • Soro mbeni versê ti diko na lo. (Tongana mo ye ti gboto lê ti lo na ndo ti Réveillez-vous !, so andu azo so ahinga ye mingi na ndo ti Bible ape wala ala so amä na bê na bungbi ti vorongo Nzapa ape, mo lingbi ti soro ti diko na lo mbeni versê wala pëpe.)

  • Leke mbeni tënë oko wala use ti fa na zo ni tongana nyen la lo lingbi ande ti wara aye ti nzoni na dikongo article ni

ATÂA MO SORO SO WA

  • Leke mbeni hundango tënë ti kiri tënë na ni na ngoi ti vizite ti peko

  • Mû note ti tene adabe ti mo na ye so mo ye ti tene tongana mo kiri ti peko