Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Mbeti ti Bungbi—Kusala ti e nga na gigi ti e ti Chrétien  |  Mars 2016

 GIGI TI E TI CHRÉTIEN

A lingbi ti zingo azo na kuâ na lege ti sandaga ti Christ

A lingbi ti zingo azo na kuâ na lege ti sandaga ti Christ

Mémorial azi lege na e ti wara aye ti nzoni so ayeke ga na lege ti sandaga ti Christ, so na popo ni a yeke wara zingongo ti akuâ. Jéhovah aye lâ oko ape ti tene azo akui. Ndani la e yeke na vundu mingi tongana mbeni zo so e ndoye lo akui (1aC 15:26). Vundu asara lani Jésus tongana lo bâ adisciple ti lo ayeke toto kuâ ti Lazare (Jn 11:33-35). Teti so Jésus asara ye tâ gi tongana Babâ ti lo, e lingbi ti hinga na bê ti e kue so vundu ayeke sara Jéhovah tongana e toto kuâ ti mbeni zo so e ndoye lo mingi (Jn 14:7). Jéhovah ayeke ku kungo ngoi so lo yeke zingo awakua ti lo na kuâ, e nga kue e yeke ku ni kungo.—Job 14:14, 15.

Ndali ti so Jéhovah ayeke Nzapa so ayeke sara ye lakue na lege ni, e hinga na bê ti e kue so zingongo ti akuâ ayeke tambela ande na lege ni (1aC 14:33, 40). Ahon ti mû ngoi ti lu gi na kuâ, e yeke mû ande ngoi ni so ti yamba na azo so a zingo ala na kuâ. Mo yeke gbu li ti mo na ndo ti zingongo ti akuâ, mbilimbili na ngoi so mo yeke na yâ ti ye ti vundu? (2aC 4:17, 18). Eskê mo kiri singila na Jéhovah ndali ti ngere so Jésus afuta ti zi na azo nga ndali ti so lo fa na yâ ti Bible so a yeke zingo ande azo so akui so?—aCl 3:15.

  • Zo wa la na popo ti akamarade ti mo nga na afami ti mo, mo yeke ku kungo ti bâ lo ande?

  • Azo wa la Bible asara tënë ti ala na so mo ye ti tingbi na ala nga ti sara lisoro na ala?