Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Mbeti ti Bungbi—Kusala ti e nga na gigi ti e ti Chrétien  |  Juin 2017

 ANZONI YE SO AYEKE NA YÂ TI BIBLE | JÉRÉMIE 51-52

Tënë ti Jéhovah aga tâ tënë na yâ ti anzene nzene ye ni kue

Tënë ti Jéhovah aga tâ tënë na yâ ti anzene nzene ye ni kue

Jéhovah afa kozo awe ambilimbili ye so ayeke si ande

Zo ti pikango kokora so ayeke bata da ti gbia ti Perse

“Ala leke yanga ti alê ti kokora ti ala”

51:11, 28

  • Azo ti Médie na ti Perse ayeke lani akpengba zo ti pikango kokora nga kokora la ayeke kpengba ye ti sarango na bira ti ala. Ala za yanga ti kokora ti ala tongaso si akpo zo alï ngangu

“Angangu zo ti bira ti Babylone azia ti tiri bira awe”

51:30

  • Nabonide atene na yâ ti mbaï so lo sû, lo tene: “Aturugu ti Cyrus alï na Babylone sân ti sara bira.” Ye so ague oko na prophétie ti Jérémie

Mbaï so Nabonide asû

“Babylone ayeke ga ndo so gbâ ti afango da la ayeke dä [nga] ndo so abuba kue biani biani”

51:37, 62

  • Ti londo na ngu 539 K.N.E, gloire ti Babylone akomanse ti kiri na gbe ni. Alexandre ti Kota aye ti sara si Babylone aga li-kodro ti lo, me hio lo kui. Na ngoi ti akozo Chrétien, mbeni bungbi ti aJuif angbâ lani kâ, a yeke ndani la bazengele Pierre ague lani na Babylone. Me na ngu 300 N.E, gbata ni abuba kue nga zo asara kodro dä ape

Tongana nyen la gango tâ tënë ti prophétie ti Bible so andu mbi?

 

Nyen la mbi lingbi ti fa na ambeni zo na ndö ti prophétie so?