Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Mbeti ti Bungbi—Kusala ti e nga na gigi ti e ti Chrétien  |  Juin 2017

 GIGI TI E TI CHRÉTIEN

Mo mä na bê ngangu na azendo ti Jéhovah?

Mo mä na bê ngangu na azendo ti Jéhovah?

Josué na Salomon atene so zendo ti Jéhovah oko atï na ngu ape (Jos 23:14; 1aG 8:56). Tënë ti atémoin use so zo alingbi ti zia bê dä ayeke nga mbeni kpengba ye so asara si mabe ti e akpengba.—2aC 13:1; Tt 1:2.

Tongana nyen la azendo ti Jéhovah aga tâ tënë na ngoi ti Josué? Bâ legeoko na sewa ti mo, vidéo ‘Mbeni tënë oko atï na sese senge pëpe.’ Na pekoni gbu li na ndö ti ahundango tënë so ge: (1) Tongana nyen la mo lingbi ti sara ye na mabe tongana Rahab? (aHb 11:31; Jac 2:24-26). (2) Tongana nyen la tapande ti Acan afa so kengo yanga na mbana ayeke ga na kpale? (3) Atâa so azo ti Gabaon ayeke angangu zo ti bira, ngbanga ti nyen la ala handa Josué nga ala duti na siriri na azo ti Israël? (4) Tongana nyen la tënë ti Jéhovah aga tâ tënë na ngoi so agbia oku ti azo ti mara ti Amori aye ti sara bira na azo ti Israël? (Jos 10:5-14). (5) Tongana nyen la Jéhovah amû maboko na mo na ngoi so mo zia Royaume ti Nzapa nga na mbilimbili ti lo na kozo ndo na yâ ti fini ti mo?—Mt 6:33.

Tongana e gbu li na ndö ti aye kue so Jéhovah asara ândö, aye so lo ngbâ ti sara laso, nga aye so lo yeke sara ande, mabe ti e ayeke kpengba ahon ti kozo na yâ ti azendo ti lo.—aRm 8:31, 32.

Mo yeke na mabe tongana ti Josué?