Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Mbeti ti Bungbi—Kusala ti e nga na Gigi ti e ti Chrétien  |  Juin 2016

 ANZONI YE SO AYEKE NA YÂ TI BIBLE | PSAUME 34-37

Zia bê ti mo na Jéhovah, na mo sara nzoni

Zia bê ti mo na Jéhovah, na mo sara nzoni

“Zia bê . . . asara mo pëpe ngbanga ti ala so asara kirikiri”

37:1, 2

  • Zia pëpe si ngia so azo ti sioni awara gi teti kete ngoi agboto lê ti mo na sarango kua ti Jéhovah. Zia lê ti mo angbâ na ndo ti aye ti nzoni so mo wara na lege ti yingo nga na aye so mo zia na gbele mo ti si dä

‘Zia bê ti mo na Jéhovah, na mo sara nzoni’

37:3

  • Duti na confiance so Jéhovah ayeke mû maboko na mo ti hon ndo ti kite wala gingo bê. Lo yeke mû maboko na mo ti ngbâ be-ta-zo

  • Mû ngoi ti mo mingi ti fa nzoni tënë ti Royaume ti Nzapa

‘Gi lege ti wara ngia ti mo na yâ Jéhovah’

37:4

  • Leke mbeni kapa ti dikongo Bible nga gbu li na ndo ti aye so mo diko tongaso si mo hinga Jéhovah nzoni ahon ti kozo

‘Zia lege ti mo na tïtî Jéhovah’

37:5, 6

  • Duti na confiance so Jéhovah ayeke mû maboko na mo ti hon ndo ti akpale kue

  • Ngbâ ti duti na nzoni sarango ye tongana mo tingbi na kangango lege, sarango ye ti ngangu wala sioni bango ndo so ambeni zo ayeke na ni na ndo ti e.

‘Duti kpô na gbele Jéhovah na mo ku Lo na be-nze-pepe’

37:7-9

  • Ti sara mbeni ye sân ti gbu li ti mo apeut ti buba ngia ti mo nga na nzoni dutingo ti mo na lege ti yingo

“Azo so ayeke na tâ be-ti-molenge, fade sese ni aga ye ti héritier ti ala”

37:10, 11

  • Gi ti duti na tâ be-ti-molenge nga sara tere ti mo kete, mo ku ti tene Jéhovah azi aye ti kirikiri kue so asi na mo

  • Kpengba amba ti mo, nga dë bê ti ala so ayeke na kota vundu na lege ti zendo ti fini dunia ti Nzapa so aga nduru awe

Royaume ti Messie ayeke ga ande na gbâ ti aye ti nzoni