Na ngoi so aita ti congrégation ti Rome amä so Paul ayeke ga, mbeni groupe ti aita-koli atambela nduru na kilomètre 64 ti tingbi na lo. Sacrifice so ndoye apusu ala ti sara ni so asara nyen na ndö ti Paul? “Tongana lê ti Paul atï na ndö ti ala, lo kiri singila na Nzapa na lo kiri lo wara ngangu.” (Kus 28:15). Atâa so Paul ayeke kpengba ka acongrégation so lo sara vizite na ala; na ngoi so lo yeke zo ti kanga, lo la azo aga ti kpengba lo.​—2aC 13:10.

Laso, asurveillant ti circonscription ayeke gue na yâ ti acongrégation nde nde ti kpengba aita. Legeoko tongana tanga ti awakua ti Jéhovah kue, na ambeni ngoi ala yeke fatigué, ala yeke gi bê ti ala nga ala yeke découragé. Ti peko tongana surveillant ti circonscription na wali ti lo aga na congrégation ti mo, nyen la mo lingbi ti sara ti mû maboko na ala ti kiri ti wara ngangu, tongaso si mo na ala ‘awa terê na popo ti mba’?​—aRm 1:11, 12.

  • Gue na abungbi ti fango tënë. Surveillant ti circonscription ayeke wara ngangu tongana awafango tënë asara asacrifice ti wara ye ti nzoni mingi na ngoi ti vizite ti lo (1aT 1:2, 3; 2:20). Gi ti bâ wala mo lingbi ti mû kua ti pionnier auxiliaire na nze ni so. Eskê mo peut ti leke ti sigi na fango tënë na lo nga na wali ti lo? wala mo na lo wala na wali ti lo ague asara mbeni étude ti mo? Ala ye ti fa tënë na awafango tënë nde nde, même ala so aga fini fini wala ala so ayeke na kode ti fango tënë mingi ape.

  • Yamba zo. Mo peut ti mû kobe wala ndo ti lango na lo na wali ti lo? Sarango tongaso afa so mo ye lo na wali ti lo mingi. Ala ku ti tene zo amû na ala ye so alingbi na ngangu ti lo.​—Lc 10:38-42.

  • Mä lo nga sara ye alingbi na afango lege nga na awango so lo mû. Surveillant ti circonscription ti e aye mingi ti mû maboko na e ti bâ tongana nyen e lingbi ti maï akode ti e na yâ ti kua ti Jéhovah. Na ambeni ngoi, lo lingbi ti mû mbeni ngangu wango (1aC 5:1-5). A yeke nzere na lo mingi tongana e yeke mä yanga nga e woko terê ti e.​—aHb 13:17.

  • Kiri singila. Fa na surveillant ti circonscription na wali ti lo tongana nyen la a-effort so ala sara aga na ye ti nzoni na mo. Mo lingbi ti tene ni la ala na yanga wala na lege ti mbeni lettre.​—aCl 3:15.