Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Mbeti ti Bungbi—Kusala ti e nga na gigi ti e ti Chrétien  |  Janvier 2017

 GIGI TI E TI CHRÉTIEN

Girisa pëpe ti sambela ndali ti aita so a sara ye ti ngangu na ala

Girisa pëpe ti sambela ndali ti aita so a sara ye ti ngangu na ala

Bible afa kozo awe so Satan ayeke sara ye ti ngangu na e ti kanga lege na kua ti e ti fango tënë (Jn 15:20; Apc 12:17). Tongana nyen la e lingbi ti mû maboko na aita ti e so a sara ye ti ngangu na ala na yâ ti ambeni kodoro? E lingbi ti sambela ndali ti ala. ‘Sambela ti zo ti mbilimbili ti voro tere na Nzapa ayeke sara aye mingi.’Jac 5:16.

Nyen la e lingbi ti hunda na yâ ti sambela ti e? E lingbi ti hunda na Jéhovah ti mû ngangu na aita ti e nga ti mû maboko na ala ti sara ye na mbeto pëpe (És 41:10-13). E lingbi nga ti sambela ndali ti akota zo ti kodoro ti zia lege na e ti fa tënë, “tongaso si e ngbâ ti duti kpô nga na siriri.”1Tm 2:1, 2.

Na ngoi so a sara ye ti ngangu na Paul nga na Pierre, akozo Chrétien asambela lani ndali ti ala na dingo iri ti ala (Kus 12:5; aRm 15:30, 31). Laso, même tongana e hinga pëpe iri ti aita kue so a sara ye ti ngangu na ala, e lingbi ti sara tënë ti congrégation ti ala, kodoro ti ala wala ndo so ala yeke dä na yâ ti sambela ti e.

Sû iri ti akodoro so mo ye ti sambela ndali ti aita so a sara ye ti ngangu na ala dä.