Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Mbeti ti Bungbi—Kusala ti e nga na gigi ti e ti Chrétien  |  Février 2018

 GIGI TI E TI CHRÉTIEN

Maï akode ti fango tënë ti mo: Sara kua nzoni na ahundango tënë

Maï akode ti fango tënë ti mo: Sara kua nzoni na ahundango tënë

NDANI SO A YEKE KOTA YE: Tongana “atënë ti yâ ti bê ti zo ayeke tongana angu so alï mingi”, ahundango tënë ayeke tongana rambâi ti gbotongo na ngu (aPr 20:5). Ahundango tënë ayeke mû maboko na e ti pusu azo so ayeke mä e ti mû mbage na lisoro ni. Akiringo tënë na atënë so e hunda nzoni ayeke mû lege ti sara nzoni lisoro. Jésus asara kua nzoni lani na ahundango tënë. Tongana nyen la e lingbi ti mû tapande ti lo?

LEGE TI SARA NI:

  • Hunda atënë so apusu zo ti fa bango ndo ti lo. Jésus ahunda gbâ ti ahundango tënë ti hinga bango ndo ti adisciple ti lo (Mt 16:13-16; be l. 238 par. 3-5). Ahundango tënë wa la mo lingbi ti hunda ti pusu azo ti fa bango ndo ti ala?

  • Ahunda so mo fa akiringo tënë ni ti tene zo ni asoro vrai ni. Ti leke bango ndo ti Pierre, Jésus ahunda atënë nga lo fa akiringo tënë nde nde ti mû lege na Pierre ti soro tâ kiringo tënë ni (Mt 17:24-26). Atënë wa la mo lingbi ti hunda nga ti fa akiringo tënë ni ti mû maboko na mbeni zo ti soro tâ kiringo tënë ni?

  • Gonda zo so mo yeke fa ye na lo. Na peko ti so mbeni scribe “akiri tënë nzoni mingi,” Jésus agonda lo (Mc 12:34). Tongana nyen la mo lingbi ti gonda zo so akiri tënë na mbeni hundango tënë?

BÂ KOZO MBAGE TI VIDÉO SARA KUA SO JÉSUS ASARA LANI: FA YE NA AZO NA PEKONI KIRI TËNË NA AHUNDA SO GE:

  • Ngbanga ti nyen tapande ti fango ye so ayeke na lege ni ape, atâa so asango ni ayeke na lege ni?

  • Ngbanga ti nyen a lingbi e sara aye mingi ahon gï ti fa asango?

BÂ USE MBAGE TI VIDÉO NI NA PEKONI KIRI TËNË NA AHUNDA SO GE:

  • Tongana nyen la ita ni asara kua nzoni na ahundango tënë?

  • Ambeni kode ti fango ye ti lo wa la e lingbi ti mû tapande ni?

Fango ye ti e ayeke sara nyen na ndö ti azo? (Lc 24:32)