Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Mbeti ti Bungbi—Kusala ti e nga na gigi ti e ti Chrétien  |  Février 2017

 GIGI TI E TI CHRÉTIEN

Duti na ngia na yâ ti beku

Duti na ngia na yâ ti beku

Beku ayeke tongana kale ti bateau (aHb 6:19). Na ngoi so e yeke na yâ ti akpale so ayeke tongana angangu pupu ti ngu-ingo, beku ayeke mû maboko na e si yâ ti mabe ti e afâ pëpe tongana ti so yâ ti bateau afâ (1Tm 1:18, 19). Akpale ni alingbi ti duti afaute so e sara, akungba ti e so abuba, kobela so aninga, kuâ ti mbeni zo so e ye lo wala mbeni ye so atara dutingo be-ta-zo ti e.

Mabe na beku amû maboko na e ti bâ polele futa so Nzapa amû zendo ni na e (2aC 4:16-18; aHb 11:13, 26, 27). Tongaso, atâa beku ti e ayeke ti wara fini na yayu wala na sese, a lingbi e gbu li lakue na ndö ti azendo so ayeke na yâ ti Bible tongaso si beku ti e aluti nzoni. Na pekoni, tongana e tingbi na atara so azia vundu na bê ti e, a yeke duti ngangu pëpe ti bata ngia ti e.—1Pi 1:6, 7.

BÂ VIDÉO DUTI NA NGIA NA YÂ TI BEKU, NA PEKONI KIRI TËNË NA AHUNDANGO NDO SO GE:

  • Ngbanga ti nyen Moïse ayeke mbeni nzoni tapande ti mû peko ni?

  • Nyen la a ku na mbage ti amokonzi ti sewa?

  • Aye wa la mo lingbi ti sara na ngoi ti vorongo Nzapa na yâ ti sewa?

  • Na lege wa la beku alingbi ti mû maboko na mo ti luti na gbele atara sân gingo bê?

  • Nyen la mo yeke ku ni kungo?