Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Mbeti ti Bungbi—Kusala ti e nga na gigi ti e ti Chrétien  |  Février 2017

 GIGI TI E TI CHRÉTIEN

Sara kua nzoni na ambeti ti e

Sara kua nzoni na ambeti ti e

Jésus atene: “Ala wara ye senge senge, ala mû ni na azo senge senge.” (Mt 10:8). Tënë ti Jésus so ayeke polele nga e yeke fa so e sara ye alingbi na ni na lege so e yeke kä aBible wala ambeti ti e kango pëpe (2aC 2:17). Ye oko, na yâ ti ambeti so a yeke wara akpengba tâ tënë so ayeke na yâ ti Bible. A sara kua ngangu nga a mû nginza mingi ti imprimé ambeti so nga ti tokua ni na yâ ti acongrégation na yâ ti dunia kue. Tongaso, a yeke nzoni e mû gï ye so e yeke na bezoin ni.

Bâ yâ ti aye nzoni na ngoi so mo yeke mû mbeti na azo, même na fango tënë na ando so azo ayeke dä mingi (Mt 7:6). Ahon ti mû mbeti na azo so aga abâ gï ni ahon, sara ngangu ti sara lisoro na ala ti hinga wala ala sara nzara ti tënë ni. Mo lingbi ti kiri tënë En na mbeni oko ti ahundango ndo so ayeke na yâ ti encadré so? Tongana a yeke ngangu ti hinga wala zo ni asara nzara ti tënë ni, a yeke nzoni mo mû na lo mbeni tract. Biani, tongana lo hunda mbeni périodique wala mbeni mbeti, e yeke na ngia ti mû ni na lo.—aPr 3:27, 28.