Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Mbeti ti Bungbi—Kusala ti e nga na gigi ti e ti Chrétien  |  Février 2017

 ANZONI YE SO AYEKE NA YÂ TI BIBLE | ÉSAÏE 58-62

“Fa tënë ti ngu so na yâ ni Jéhovah ayeke sara nzoni na azo”

“Fa tënë ti ngu so na yâ ni Jéhovah ayeke sara nzoni na azo”

“Ngu so na yâ ni Jéhovah ayeke sara nzoni na azo” ayeke tâ ngu pëpe

61:1, 2

  • A yeke ngoi so Jéhovah amû lege na azo so asara terê ti ala kete ti yeda na tënë ti liberté ti lo so a yeke fa ni

  • Na ngoi ti akozo Chrétien, ngu so na yâ ni a sara nzoni na azo ato nda ni na ngoi so Jésus akomanse kua ti lo ti fango tënë na ngu 29 N.E, na aninga juska na ‘lango so Jéhovah akiri na azo peko ti sioni so ala sara’ na ngoi so a futi Jérusalem na ngu 70 N.E.

  • Na ngoi ti e, ngu so na yâ ni a yeke sara nzoni na azo ato nda ni na ngoi so a zia Jésus na ndö ti trône ti gbia na yayu na ngu 1914 nga a yeke hunzi ande na ngoi ti kota ye ti vundu

Jéhovah airi tënë nzoni na ndö ti azo ti lo na lege ti “akota keke ti mbilimbili”

61:3, 4

  • Mingi ni, akeke so ayo ahon atanga ni kue ayeke kono ndo oko na yâ ti agbako, nga ala yeke mû maboko na mba

  • Agunda ti akeke ni so amû ndo alingbi ti lï yâ ti terê, a sara si akeke ni aluti ngangu nga akota pupu ayeke kinda ni gbä

  • Ayongoro keke ayeke mû gbe ti dê na akete kete nga akugbe ni so atï ayeke sara si sese ni aga nzoni

“Akota keke ti mbilimbili” so ayeke tanga ti aChrétien so a soro ala ti gue na yayu, ala yeke mû maboko na amembre ti acongrégation kue so ayeke na ndö ti sese nga ala yeke bata ala