Paul na Silas asepela Jéhovah na lege ti bia na ngoi so ala yeke na da ti kanga (Kus 16:25). Kite ayeke dä ape so bia ni so ala he so amû maboko na ala ti gbu ngangu. Ka ti e laso? Abia ti bungbi nga abia so aita asigi na ni alingbi ti kpengba e si e ngbâ be-ta-zo na ngoi ti tara. Kota ye ni kue ayeke so, abia ni asepela Jéhovah (Ps 28:7). A wa e ti gi ti bata na li kamême atënë ti yâ ti ambeni bia. Mo tara ti sara ni awe? Na ngoi ti vorongo Nzapa na yâ ti sewa, e lingbi ti he abia nga ti gi ti hinga atënë ni na li.

BA VIDÉO AMOLENGE ASEPELA JÉHOVAH NA LEGE TI ABIA, NA PEKONI KIRI TËNË NA AHUNDA SO:

  • Aye ti nzoni wa la hengo abia ti Royaume asara na ndö ti e?

  • Ti enregistré mbeni bia, Département ti Audio/vidéo ayeke sara tongana nyen?

  • Amolenge na azo ti sewa ti ala ayeke leke terê tongana nyen ti he bia si a enregistré ni?

  • Abia ti Royaume wa la mo ye ni mingi? Ngbanga ti nyen?