Jéhovah aleke ti tene mariage na popo ti koli na wali aduti mbeni songo so angbâ lakue (Ge 2:22-24). Ala lingbi ti soro ti sara divorce gï tongana mbeni oko asara lango-sioni (Mal 2:16; Mt 19:9). Teti so Jéhovah aye si azo so asara mariage aduti na ngia, lo sigi na amama-ndia ti mû maboko na aChrétien ti soro na lege ti ndara zo so ala ye ti sara mariage na lo nga ti ngbâ ti duti na ngia na yâ ti mariage ti ala.—Zo 5:4-6.

BÂ VIDÉO TÂ YENGO TERE AYEKE NYEN?, NA PEKONI KIRI TËNË NA AHUNDA SO GE:

  • Ngbanga ti nyen wango so Frank na Bonnie amû na molenge ti ala ti wali Liz ayeke na lege ti ndara nga na ti ndoye?

  • Ngbanga ti nyen a yeke na lege ti ndara ape ti pensé so mo peut ti changé zo so mo na lo ayeke bâ terê ndali ti mariage?

  • Wango ti ndara wa la Paul na Priscilla amû na Liz?

  • Akpale adü na yâ ti mariage ti Zach na Megan ngbanga ti nyen?

  • Aye ti yingo wa la John na Liz azia na gbele ala?

  • Ngbanga ti nyen a yeke nzoni mo gi ti hinga “zo ti yâ ni” ti mbeni zo kozo si mo mû yanga ti sara mariage na lo? (1Pi 3:4)

  • Tâ yengo terê ayeke nyen? (1aC 13:4-8)