NDANI SO A YEKE KOTA YE: Jéhovah, Kota maître, ayeke fa ye na e pendere mingi ahon tanga ti azo kue. Lo fa na e tongana nyen ti sara achangement na yâ ti fini ti e nga lo leke e ndali ti mbeni pendere gigi ti kekereke; e bezoin ti futa ye oko ndali ni ape (És 11:6-9; 30:20, 21; Apc 22:17). Na ngoi so Jéhovah ayeke fa ye na e, lo yeke leke nga e ti fa na azo tënë so ayeke sö fini ti ala.​—2aC 3:5.

LEGE TI SARA NI:

  • Gi ti sara terê ti mo kete.​—Ps 25:8, 9

  • Yeda na ye so a yeke fa na mo na ndembe so, na tapande adevoir ti élève so a yeke mû na mo na bungbi ti milieu ti yenga

  • Gbu li na ndö ti alege so mo lingbi ti sara na Jéhovah mingi nga leke aye so ayeke aidé mo ti sara ni.​—aPh 3:13

  • Sara asacrifice ti mû lege na mo ti wara ambeni formation.​—aPh 3:8

BÂ VIDÉO WARA AYE TI NZONI GRÂCE NA FANGO YE TI JÉHOVAH, NA PEKONI KIRI TËNË NA AHUNDA SO:

  • Akpale wa la ambeni wafango tënë ahon ndö ni ti gue na Ekole ti awafango nzoni tënë ti Royaume?

  • Formation wa la aita ayeke wara na ngoi ti Ekole ti awafango nzoni tënë ti Royaume?

  • Tongana nyen la amembre ti congrégation amû maboko na aita so, so awara adiplôme ti ekole ni, na yâ ti afini kua ti ala?

  • Aye wa la a hunda ti mû lege na mbeni zo ti gue na Ekole ti awafango nzoni tënë ti Royaume? (kr l. 189)

  • Ambeni formation wa la mo lingbi ti gi ti sara na yâ ti bungbi ti Jéhovah?

Atufa wa la mo yeke wara tongana mo gi ti wara fango ye so alondo na Jéhovah?