Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Mbeti ti Bungbi—Kusala ti e nga na gigi ti e ti Chrétien  |  Août 2017

 GIGI TI E TI CHRÉTIEN

Gi ti duti na asarango ye ti aChrétien: Sarango terê kete

Gi ti duti na asarango ye ti aChrétien: Sarango terê kete

NDANI SO A YEKE KOTA YE:

  • Sarango terê kete ayeke sara si zo aduti na kpengba songo na Jéhovah.—Ps 138:6

  • Sarango terê kete ayeke maï nzoni songo na popo ti e na azo.—aPh 2:3, 4

  • Sarango ye na baba ayeke buba aye.—aPr 16:18; Éz 28:17

LEGE TI SARA NI:

  • Hunda wango nga sara ye alingbi na ni.—Ps 141:5; aPr 19:20

  • Duti nduru ti sara asenge kua na azo.—Mt 20:25-27

  • Zia pëpe si akode ti mo wala akua so mo yeke sara apusu mo ti sara ye na baba.—aRm 12:3

Na yâ ti aye wa mbi lingbi ti fa so mbi sara terê ti mbi kete mingi?

BÂ VIDÉO KPE AYE SO ALINGBI TI BUBA DUTINGO BE-TA-ZO TI MO: BABA, NA PEKONI KIRI TËNË NA AHUNDA SO GE:

  • Tongana a mû wango na e, sarango ye ti e ayeke fa nyen na ndö ti e?

  • Tongana nyen la sambela alingbi ti mû maboko na e ti sara terê ti e kete?

  • Ambeni ye wa la e lingbi ti sara ti fa so e sara terê ti e kete?