Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

MBETI TI BUNGBI—KUSALA TI E NGA NA GIGI TI E TI CHRETIEN AOÛT 2016

 GIGI TI E TI CHRÉTIEN

Maï akode ti fango tënë ti mo: Mû maboko na azo so ayeke manda Bible ti gue na li ni ti mû tere ti ala na Nzapa na ti wara batême

Maï akode ti fango tënë ti mo: Mû maboko na azo so ayeke manda Bible ti gue na li ni ti mû tere ti ala na Nzapa na ti wara batême

NDANI SO A YEKE KOTA YE: Ti tene Jéhovah ayeda na azo so ayeke manda Bible, a lingbi ala mû fini ti ala na lo nga ala wara batême (1Pi 3:21). Azo so asara ye alingbi na yanga so ala mû na Nzapa ayeke wara batango tere na lege ti yingo (Ps 91:1, 2). A-Chrétien ayeke mû tere ti ala gi na Jéhovah, me pëpe na mbeni zo, na mbeni kua, wala na mbeni bungbi. Na ndo ni, azo so ayeke manda Bible ayeke na bezoin ti maï ndoye nga ti fa singila ti bê ti ala na Nzapa.—aRm 14:7, 8.

LEGE TI SARA NI:

  • Na ngoi ti mandango ye ni, sara lisoro na lo na ndo ti ye so tënë ni afa na ndo ti Jéhovah. Wa lo mingi ti diko Bible lâ oko oko nga ti sambela Jéhovah “lakue.”—1aT 5:17; Jac 4:8

  • Wa zo so mo yeke manda Bible na lo ti leke na bê ti lo ti mû tere ti lo na Nzapa nga ti wara batême. Nga, mû maboko na lo ti sara ambeni ye kozoni si, na tapande ti kiri tënë na ngoi ti abungbi wala ti fa tënë na avoizin ti lo nga na azo so lo na ala ayeke sara kua place oko. Hinga so Jéhovah ayeke gbu zo na ngangu ape ti sara na lo. Mungo tere na Nzapa ayeke mbeni desizion so abâ zo lo wani.—De 30:19, 20

  • Mû maboko na zo so mo yeke manda Bible na lo ti sara achangement na yâ ti fini ti lo si lo nzere na lê ti Jéhovah nga si lo sara ye so a hunda ti wara batême (aPr 27:11). Ndali ti so ambeni sarango ye alingbi ti lï yâ ti tere ti lo ngangu, mbeni zo so ayeke manda Bible ayeke na bezoin ti tene a mû maboko na lo lakue si lo zi ngbene zo na lo yü fini zo (aÉp 4:22-24). Fa na lo a-article ti Tour ti Ba Ndo so li ni ayeke “Bible achangé fini ti azo”

  • Fa na lo ngia so mo wara na sarango na Jéhovah.—És 48:17, 18