Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

 HUNDA 2

E lingbi ti manda ye na ndö ti Nzapa tongana nyen?

“A yeke nzoni mbeti ti Ndia so ahon yongoro na yanga ti mo pëpe, a lingbi mo diko ni bï na lâ na gbe ti go, zia si lê ti mo akpengba ti sara ye alingbi na atënë kue so a sû na yâ ni; na sarango tongaso fade lege ti mo ayeke ga nzoni na mo yeke sara ye na ndara.”

Josué 1:8

“Ala yeke diko tënë ti yâ ti mbeti ti Ndia ti tâ Nzapa ni na kota go, ala yeke fa ndani nzoni nga ala sara si azo amä yâ ti ye so a diko so; tongaso ala sara si azo ni ahinga nda ti ye so a ngbâ ti diko na ala so.”

Néhémie 8:8

“Ngia ayeke na zo so atambela pëpe alingbi na wango ti azo ti sioni . . . , Me ngia ti lo ayeke na yâ ti ndia ti Jéhovah, na lo diko ndia ni na gbe ti go bï na lâ. . . . Ye kue so lo sara ayeke ga nzoni.”

Psaume 1:1-3

“Philippe ayeke mû loro na terê ti puse ni na lo mä koli ni so ayeke diko mbeti ti prophète Ésaïe ni na kota go. Philippe atene: ‘Mo yeke mä yâ ti ye so mo yeke diko so biani?’ Koli ni atene: ‘Ti tâ tënë ni, mbi lingbi ti mä yâ ni tongana nyen tongana mbeni zo ti fa ndani na mbi ayeke dä ape?’”

Kusala 8:30, 31

 “Asarango ye ti terê ti Nzapa so lê abâ ni pëpe asigi polele ngbene ye so a leke dunia ti ga na ni, ngbanga ti so a bâ ni na lege ti aye so lo sara, so ti tene ngangu ti lo so ayeke lakue lakue na dutingo ti lo tongana Nzapa, si a lingbi ti wara mbeni raison oko pëpe ti zi tënë na li ti ala.”

aRomain 1:20

“Mo gbu li ti mo na ndö ti aye so, mo bi terê ti mo kue na yâ ni, si azo kue abâ polele maïngo ti mo.”

1 Timothée 4:15

“Zia e bi lê na ndö ti mba ti pusu mba ti duti na ndoye na ti sara anzoni kusala, e zia pëpe lege ti guengo lakue na bungbi ti e”

aHébreu 10:24, 25

“Tongana ndara amanke mbeni zo na popo ti ala, zia lo ngbâ ti hunda ni na Nzapa, ngbanga ti so Nzapa ayeke mû ye mingi na azo kue na lo yeke suku ndali ni pëpe; na a yeke mû ni na lo.”

Jacques 1:5