Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Zo-ti-fa-tene 3:1-22

LI TI ATËNË NI

  • Ngoi ayeke dä ndali ti aye kue (1-8)

  • Dutingo na ngia na yâ ti gigi, matabisi ti Nzapa (9-15)

    • A zia tënë ti fini ti lakue lakue na yâ ti bê ti zo (11)

  • Nzapa afâ ngbanga ti aye kue na lege ti mbilimbili (16, 17)

  • Kuâ ayeke si na azo nga na anyama kue (18-22)

    • Ala kue akiri na fuku ti sese (20)

3  Ngoi ayeke dä ndali ti ye oko oko kue,ngoi ayeke dä ndali ti akua kue so zo ayeke sara na gbe ti yayu:   ngoi ti dungo zo, na ngoi ti kuâ ti zo;ngoi ti lungo ye, na ngoi ti gbotongo ye so zo alu;   ngoi ti fango zo, na ngoi ti savango zo;ngoi ti kungbingo ye na sese, na ngoi ti lekengo peko ti mbeni ye;   ngoi ti toto, na ngoi ti hengo ngia;ngoi ti toto na vundu, na ngoi ti dodo;*   ngoi ti bingo atênë na ngonda, na ngoi ti bungbingo atênë ndo oko;ngoi ti gbungo zo na kate, na ngoi ti ke ti gbu zo na kate;   ngoi ti gingo ye, na ngoi ti zia lege ti gingo ye;ngoi ti batango ye, na ngoi ti bingo ye na ngonda;   ngoi ti surungo yâ ti ye,+ na ngoi ti fungo ni na place ni;ngoi ti dutingo kpô,+ na ngoi ti sarango tënë;+   ngoi ti yengo zo, na ngoi ti kengo zo;+ngoi ti bira, na ngoi ti siriri.  Nzoni ti nyen la zo ti kua ayeke wara na peko ti ngangu kue so lo sara?+ 10  Mbi bâ akua so Nzapa amû na amolenge ti azo si ala yeke lakue na ye ti sarango ni. 11  Lo sara ye kue pendere mingi* nga na ngoi ni.+ Lo zia même tënë ti fini ti lakue lakue na yâ ti bê ti azo; ye oko, azo alingbi lâ oko pëpe ti hinga kua so tâ Nzapa asara, ti londo na tongo nda ni juska na ngoi so lo hunzi ni. 12  Ni la, mbi tene so tongana azo aduti na ngia nga ala sara ye ti nzoni na yâ ti gigi ti ala, mbeni ye ti nzoni ti hon ni ayeke dä pëpe;+ 13  nga a yeke nzoni ti tene zo oko oko ate ye, anyon ye nga lo bâ nzoni na peko ti ngangu kua kue so lo sara. So ayeke matabisi so Nzapa amû na zo la.+ 14  Mbi ga ti hinga so ye kue so tâ Nzapa asara ayeke ngbâ lakue lakue. Mbeni ye ti tene zo azia na terê ni ayeke dä pëpe nga mbeni ye ti tene zo azi na terê ni ayeke dä pëpe. Tâ Nzapa aleke ti tene a duti tongaso, si azo akpe mbeto ti lo.+ 15  Ye so asi so asi kozo awe, nga ye so ayeke si ande asi kozo awe;+ me tâ Nzapa ayeke gi ye so a tomba peko ni.* 16  Mbeni ye so mbi bâ nga na gbe ti lâ ayeke so: Sarango ye ti sioni ayeke na place ti fango ngbanga ti mbilimbili, nga sarango ye ti sioni ayeke na place ti sarango ye na lege ni.+ 17  Ni la, mbi tene na bê ti mbi: “Tâ Nzapa ayeke fâ ngbanga ti azo ti mbilimbili na azo ti sioni,+ ndali ti so ngoi ayeke dä ndali ti kua oko oko kue nga na ye kue so a sara.” 18  Na ndö ti amolenge ti azo, mbi tene na bê ti mbi so tâ Nzapa ayeke tara bê ti ala, na lo yeke fa na ala so ala yeke tongana anyama, 19  ndali ti so ye so ayeke si na azo ayeke si nga na anyama; oko ye la ayeke si na ala kue.+ Tongana ti so mbeni akui, mbeni nga ayeke kui; gï oko yingo la ayeke na yâ ti ala.+ Tongaso zo ahon nyama pëpe, ndali ti so ye kue ayeke senge senge. 20  Ala kue ayeke gue na oko ndo.+ A sara ala kue na fuku ti sese,+ na ala kue ayeke kiri na fuku ti sese.+ 21  Zo wa la ahinga wala yingo ti azo ague ti lo na nduzu, nga wala yingo ti anyama ague ti lo na yâ ti sese zo wa?+ 22  Mbi bâ so tongana zo abâ nzoni na peko ti kua so lo sara, mbeni ye ti nzoni ti hon ni ayeke dä pëpe,+ ndali ti so a yeke futa* ti lo la; zo wa la alingbi ti sara si lo bâ ye so ayeke si ande na peko ti lo zo wa?+

Kete tënë

Na Hébreu: “huru.”
Wala “Lo leke ye kue nzoni na place ti lo; na lege ni.”
A lingbi nga ti tene “ye so ahon awe.”
Wala “part.”