Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Zo-ti-fa-tene 1:1-18

LI TI ATËNË NI

  • Ye kue ayeke senge senge (1-11)

    • Sese ayeke ngbâ kpu na kpu (4)

    • Lege so aye ti gigi ayeke tambela (5-7)

    • Fini ye ayeke ti lo dä ape na gbe ti lâ (9)

  • Ndara ti zo asara aye kue ape (12-18)

    • Tombango peko ti pupu senge (14)

1  Atënë ti zo ti bungbingo azo,+ molenge ti David, so ayeke gbia na Jérusalem.+   Zo ti bungbingo azo atene: “A yeke tâ gï senge senge! A yeke tâ gï senge senge! Ye kue ayeke senge senge!”+   Nzoni ti nyen la zo ayeke wara na peko ti angangu kua kue so lo sara na gbe ti lâ?+   Azo ti mbeni ngoi ahon, ambeni ayeke ga, me sese ayeke ngbâ* kpu na kpu.+   Lâ asigi,* lâ alinda, na pekoni lo kiri hio* na ndo so lo yeke kiri ti sigi dä.+   Pupu aya ague na mbage ti sud, na a ngoro a gue na mbage ti nord; a ngbâ gï ti ngoro lakue; a ngbâ gï ti ngoro na lege so lo hon dä kozo.   Angu kue* so asua atï na yâ ti ngu-ingo, me ngu-ingo asi pëpe.+ Angu so asua ayeke kiri gï na ndo so ala londo dä ti tene ala kiri asua.+   Aye kue ayeke sara si zo awoko; zo apeut même ti sara tënë ti aye ni so kue pëpe. Lê ayeke bâ aye, me a yeke si pëpe; mê nga ayeke mä aye, me a yeke si pëpe.   Ye so ayeke dä ândö, gï ni la ayeke duti ande dä; ye so a sara ni ândö, gï ni la a yeke kiri ti sara ni. Fini ye ayeke ti lo dä pëpe na gbe ti lâ.+ 10  Mbeni ye ayeke dä so zo alingbi ti sara tënë ni, lo tene: “Bâ ye so, fini ye la”? Ngbene ye giriri, ye ni so ayeke dä awe; ye ni so ayeke dä awe kozoni na e. 11  Zo oko adabe ti lo na azo ti ândö giriri pëpe, zo oko ayeke dabe ti lo pëpe na azo so a yeke dü ala ande; azo so a yeke dü ala mbeni lâ ayeke dabe ti ala na azo ti ândö giriri pëpe.+ 12  Mbi, zo ti bungbingo azo, mbi ga lani gbia ti Israël, na Jérusalem.+ 13  Na lege ti ndara,+ mbi mû bê ti mbi kue ti manda ye nga ti gi ti hinga ye na ndö ti aye kue so azo asara na gbe ti yayu,+ kua so amû vundu na zo, so Nzapa amû na amolenge ti azo si ala yeke sara ka ni. 14  Mbi bâ akua kue so azo ayeke sara na gbe ti lâ, na mbi bâ so ye kue ayeke senge senge nga ayeke tombango peko ti pupu senge.+ 15  Ye so aba awe, a peut ti kiri na ni droit pëpe, ye so amanke awe, a peut ti diko ni pëpe. 16  Na pekoni, mbi tene na bê ti mbi: “Bâ, kota ndara so mbi wara ahon ti azo kue so ayeke na Jérusalem kozo na mbi,+ nga bê ti mbi awara gbâ ti ndara nga na hingango ye.”+ 17  Mbi mû bê ti mbi kue ti gi ti hinga ye so ayeke sarango ye na ndara, sarango ye ti fou* nga na sarango ye ti buba;+ so kue ayeke tombango peko ti pupu senge, 18  ndali ti so tongana zo ayeke na ndara mingi, bê ti lo ayeke son mingi; ndani la tongana zo ahinga ye mingi, pasi ti lo nga ayeke mingi.+

Kete tënë

Na Hébreu: “ayeke luti.”
Wala “atokua lumière.”
Wala “na kiringo ni, lo yeke wu ngangu ngangu.”
Wala “Angu so asua na ngoi ti hiver; angu so ayeke sua na ngoi ni.”
Wala “sarango ye ti buba ahon ndö ni.”