Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Zacharie 5:1-11

LI TI ATËNË NI

  • Vision 6: Mbeti so ayeke huru (1-4) (1-4)

  • Vision 7: Kungba ti hakango na ye (5-11)

    • Wali so ayeke na yâ ni, a iri lo Ye ti sioni (8)

    • A yô kungba ni a gue na ni na Shinéar (9-11)

5  Mbi kiri mbi yô lê ti mbi na nduzu, mbi bâ mbeni mbeti so ayeke huru.  Lo hunda mbi, lo tene: “Mo bâ nyen?” Mbi tene: “Mbi bâ mbeni mbeti so ayeke huru, yongo ni ayeke coudée* 20 nga largeur ni ayeke coudée 10.”  Na pekoni lo tene na mbi, lo tene: “Mbeti ni so ayeke deba so ayeke hon na ndö ti sese kue, ndali ti so a yeke punir pëpe azo ti nzi,+ atâa so a fa na lê ti mbeti ni so deba ayeke na ndö ti ala. Nga a yeke punir pëpe azo so adeba na ndö ti mvene,+ atâa so a fa na mbeni mbage ti lê ti mbeti ni so deba ayeke na ndö ti ala.  Jéhovah ti aturugu atene: ‘Mbi tokua deba ni ti tene ague, na a yeke lï ande na yâ ti da ti azo ti nzi nga na ti azo so adeba na tënë ti mvene na iri ti mbi. A yeke ngbâ na yâ ti da ni na a yeke futi ni, akeke ni nga na atênë ni.’”  Na pekoni, ange so ayeke sara tënë na mbi so aga na mbage ti mbi, na lo tene na mbi: “Pardon, yô lê ti mo na nduzu, na bâ ye so ayeke hon so.”  Mbi hunda lo, mbi tene: “So nyen la?” Lo tene: “Kungba ti hakango na ye* la ayeke hon so.” Lo kiri lo tene: “A yeke ye so azo ti sioni na ndö ti sese kue akpa ni la.”  Mbi bâ so a zi yanga ti kungba ni so a sara na plomb si ayeke ronde ronde so, na mbeni wali ayeke na yâ ni.  Ange ni atene: “So ayeke wali so a iri lo Ye ti sioni.” Na pekoni, lo pusu wali ni ti tene lo kiri na yâ ti kungba ni, nga lo mû nengo yanga ti kungba ni so a sara na plomb so lo kanga na yanga ni.  Na pekoni, mbi yô lê ti mbi na nduzu na mbi bâ awali use so ayeke ga, ala yeke huru na ndö ti pupu. Ala yeke na akpangbi tongana ti ndeke so a iri lo cigogne. Ala yô kungba ni na nduzu. 10  Mbi hunda ange so ayeke sara tënë na mbi so, mbi tene: “Ala yeke gue na kungba ni so na ndo wa?” 11  Lo tene: “Ala yeke gue na ni na sese ti Shinéar*+ ti leke da na wali ni. Tongana a leke da ni awe, a yeke zia lo kâ na mbilimbili ndo ti lo.”

Kete tënë

Coudée oko alingbi na centimètre 44,5. Bâ na B14.
Na Hébreu: “épha.” Ge, a ye ti sara tënë ti kungba so a iri ni épha so a yeke haka na ye. Épha oko ayeke litre 22. Bâ na B14.
So ti tene Babylonie.