Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Zacharie 2:1-13

LI TI ATËNË NI

  • Vision 3: Mbeni koli so ayeke na kamba ti mungo na mesure ti ye (1-13)

    • A yeke mû mesure ti Jérusalem (2)

    • Jéhovah, “mbeni wâ so angoro ni kue tongana gbagba” (5)

    • Ndungo vuko lê ti Jéhovah (8)

    • Amara mingi ayeke ga ti voro Jéhovah (11)

2  Mbi yô lê ti mbi na nduzu mbi bâ mbeni koli so ayeke na kamba ti mungo na mesure ti ye+ na maboko ti lo.  Mbi hunda lo, mbi tene: “Mo yeke gue na ndo wa?” Lo tene: “Mbi yeke gue ti mû mesure ti Jérusalem, ti hinga largeur ni nga na yongo ni.”+  Mbi bâ so ange so ayeke sara tënë na mbi so ayeke sigi, na mbeni ange aga awara lo.  Lo tene na lo: “Kpe mo gue kâ, mo tene na maseka-koli so, mo tene: ‘“Azo ayeke sara ande kodro na yâ ti Jérusalem+ mo bâ mo tene a yeke akete kodro so gbagba ayeke na terê ni pëpe, ndali ti so gbâ ti azo na anyama ayeke duti ande na yâ ni.+  Mbi yeke ga tongana mbeni wâ so angoro ni kue tongana gbagba,+ nga gloire ti mbi ayeke si singo na yâ ni,”’”+ tënë ti yanga ti Jéhovah la.  Jéhovah atene: “Ala ga! Ala ga! Ala kpe na yâ ti kodro so ayeke na nord so.”+ Jéhovah akiri atene: “Mbi kangbi yâ ti ala na apupu osio ti yayu.+  “Ala azo ti Sion, ala ga! Ala so ayeke sara kodro na yâ ti gbata ti Babylone,+ ala kpe!  Na peko ti so Jéhovah ti aturugu awara gloire,* lo tokua mbi na amara so agbu aye ti ala na ngangu.+ Lo tene: ‘Zo so andu ala andu vuko lê ti mbi.*+  Ti fadeso, mbi yeke yôro maboko ti mbi na lê ti ala, na ala yeke ga angbâa ti angbâa ti ala.’+ Ala yeke hinga biani so Jéhovah ti aturugu la atokua mbi. 10  Jéhovah atene: “Molenge-wali ti Sion,+ dekongo na ngia, ndali ti so mbi yeke ga,+ na mbi yeke duti na popo ti ala.+ 11  Na ngoi ni so, amara mingi ayeke ga ti voro Jéhovah.+ Ala yeke ga azo ti mbi, na mbi yeke duti na popo ti ala.” Ala yeke hinga ande so Jéhovah ti aturugu la atokua mbi na ala. 12  Jéhovah ayeke mû Juda ti ga ye ti lo na ndö ti sese so ayeke nzoni-kue, na lo yeke kiri ti soro Jérusalem.+ 13  Ala azo kue,* ala duti kpô na gbele Jéhovah, ndali ti so lo yeke londo kâ na ndo ti lo so ayeke nzoni-kue ti ga ti sara ye.

Kete tënë

Na Hébreu: “na peko ti gloire.”
Wala “andu mboma ti lê ti mbi.”
Na Hébreu: “mitele kue.”