Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Tite 3:1-15

LI TI ATËNË NI

  • Ala woko terê ti ala (1-3)

  • Leke terê ndali ti anzoni kusala (4-8)

  • Ke ahundango ndo ti buba nga na atënë ti secte (9-11)

  • Awango ti Paul nga na abara ti lo (12-15)

3  Mo ngbâ ti dabe ti ala ti woko terê na gbe ti agouvernement nga na akomandema,+ ti mä yanga ti ala, ti duti nduru ti sara anzoni kusala kue,  ti sara sioni tënë ti mbeni zo pëpe, ti duti pëpe azo so aye papa, me ti sara ye na lege ni,+ ti fa so ala yeke sara ye biani na ngangu pëpe na azo kue.+  Ndali ti so e nga e yeke ândö azo so asara ye ti buba, azo ti kengo yanga, e yeke azo so azo ahanda ala, e yeke ândö angbâa ti anzara nde nde ti bê ti e nga na ti angia nde nde, e yeke sara ândö sioni nga e sara kota bê, azo ake e na bê oko nga e yeke ke terê na popo ti e.  Ye oko, na ngoi so sarango nzoni ti Sauveur ti e Nzapa+ nga na ndoye ti lo na mbage ti azo asigi polele  (a yeke lani pëpe ndali ti akusala ti mbilimbili so e sara,+ me ndali ti nzoni bê ti lo wani),+ lo sö e na lege so a sukula e si e wara mbeni fini+ nga na lege so a sara si e ga afini zo na lege ti yingo vulu.+  Lo tuku yingo vulu ni so mingi mingi na ndö ti e na lege ti Jésus Christ Sauveur ti e,+  si na peko ti so a diko e tongana azo ti mbilimbili na lege ti kota nzobe ti lo awe,+ e lingbi ti ga ahéritier+ alingbi na beku ti fini ti lakue lakue.+  Tënë so, zo alingbi ti zia bê ti lo na ndö ni, na mbi ye si mo ngbâ ti luti na ndö ti aye so ngangu, si ala so amä na bê na Nzapa azia bê ti ala gï ti sara lakue akusala so ayeke nzoni mingi. Aye so ayeke nzoni mingi na ayeke sara nzoni na azo.  Me mo ke ahundango ndo ti buba, mo ke dikongo molongo ti iri ti akotara, nga mo ke apapa na atiri na ndö ti tënë ti Ndia, ndali ti so a yeke aye so zo alingbi ti wara nzoni dä pëpe nga a yeke asenge senge ye.+ 10  Âdu ti zo so ayeke maï tënë ti secte,+ tongana mo gboto mê ti lo+ fani oko nga fani use awe, sara songo na lo mbeni pëpe,+ 11  hinga mo tene mara ti zo tongaso adö nzoni lege ni lo zia awe na lo yeke sara siokpari la; lo fâ ngbanga na li ti lo wani awe. 12  Tongana mbi tokua Artémas wala Tychique+ ande na mo, sara kue mo ga mo wara mbi na Nicopolis, ndali ti so mbi leke na bê ti mbi ti ngbâ na ndo so na ngoi ti dê. 13  Ti Zénas, zo so ahinga Ndia mingi, mo bâ lege ti lo nga na Apollos nzoni, si mbeni ye amanke ala pëpe ndali ti voyage ti ala.+ 14  Me zia azo ti e nga ahinga ti ngbâ ti sara anzoni kusala ti mû maboko tongana akota bezoin ayeke dä,+ si ala lingbi ti duti pëpe azo so alë lengo pëpe.+ 15  Azo kue so ayeke na terê ti mbi atokua bara na mo. Mo bara na mbi ala so na yâ ti mabe aye e mingi. Zia kota nzobe ti Nzapa aduti na ala kue.

Kete tënë