Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Tite 1:1-16

LI TI ATËNË NI

  • Abara (1-4)

  • zia Tite na Crète ti zia azo tongana a-ancien (5-9)

  • Suku na azo ti ngangu-li (10-16)

1  Paul, ngbâa ti Nzapa nga bazengele ti Jésus Christ alingbi na mabe ti ala so Nzapa asoro ala nga alingbi na tâ hingango ye na ndö ti tâ tënë so ague oko na vorongo Nzapa na bê kue  so aluti na ndö ti beku ti fini ti lakue lakue+ so Nzapa, lo so alingbi ti tene mvene pëpe,+ amû zendo ni ngbene ye ândö giriri;  me tongana a si na ngoi so lo wani lo soro ni awe, lo fa tënë ti lo na gigi na lege ti kusala ti fango tënë so lo zia na maboko ti mbi,+ na peko ti yanga so Nzapa Sauveur ti e amû;  mbi tokua mbeti so na Tite, tâ molenge ti mbi, alingbi na tënë ti oko mabe so e kue e yeke na ni: Zia kota nzobe na siriri so alondo na Nzapa Babâ ni nga so alondo na Christ Jésus Sauveur ti e aduti na mo.  Mbi zia mo lani na Crête ti tene mo leke aye so atambela nzoni pëpe nga ti tene mo zia azo tongana a-ancien na yâ ti agbata oko oko, tongana ti so mbi mû lani yanga na mo:  A yeke nzoni a duti mbeni koli so tënë ayeke na li ti lo pëpe, koli ti wali oko, lo yeke na amolenge so amä na bê na a bi tënë na li ti ala pëpe a tene ala yeke amolenge ti kirikiri* wala amolenge ti ngangu-li.+  Biani, a yeke nzoni mbeni zo ti bango ndo na ndö ti congrégation aduti zo so a bi tënë na li ti lo pëpe, ngbanga ti so lo yeke wabatango ye ti Nzapa. A yeke nzoni lo duti zo so asara gï ye ti li ti lo pëpe,+ lo duti pëpe zo so aye ngonzo mingi,+ lo yeke ngbâa ti sämba pëpe, lo yeke sara ye na zo na ngangu pëpe,* lo sara bê ti warango ye na lege ti likisi pëpe;  me lo yeke zo ti yambango agene nzoni,+ zo so andoye nzoni ye, zo so abata bibe ti lo nzoni,*+ zo ti mbilimbili, zo so ayeke be-ta-zo,+ zo so ahinga ti kanga nzara ti bê ti lo;+  tongana a ndu tënë ti kode ti fango ye ti lo,+ lo yeke zo so angbâ gï na ndö ti tënë so ayeke tâ tënë, si lo lingbi ti wa azo na lege ti nzoni fango ye+ ti lo nga ti suku+ na azo so adë kite na tënë ni. 10  Biani, azo mingi ayeke dä so ayeke azo ti ngangu-li, azo ti dikongo asenge senge tënë, azo ti handango azo, mbilimbili ala so agbu tënë ti fango ganza ngangu.+ 11  A yeke nzoni ti kanga yanga ti azo so, ndali ti so ala ngbâ ti kinda mabe ti azo kue na yâ ti ambeni sewa na fango atënë so ala lingbi fade ti fa ni pëpe, so kue ti wara na ye na lege ti likisi. 12  Mbeni mba ti ala, prophète ti ala wani, atene: “Azo ti Crête ayeke azo so ayeke tene ka gï mvene, asioni nyama ti ngonda, azo ti tengo ye ahon ndö ni na ala ye kua pëpe.” 13  Tënë so ayeke tâ tënë. Ndani la, mo ngbâ ti suku na ala ngangu, si ala luti nzoni na yâ ti mabe, 14  na ala dengi mê pëpe na ambaï ti mvene ti aJuif nga na acommandement so alondo na azo so atourné peko ti ala na tâ tënë awe. 15  Ye kue ayeke nzoni kue na lê ti azo so ayeke nzoni kue.+ Me na lê ti azo so ayeke na sioni ye na terê ti ala nga so ayeke na mabe pëpe so, mbeni ye ti nzoni oko ayeke dä pëpe, ndali ti so yâ ti li ti ala nga na conscience ti ala aga sioni awe.+ 16  Ala tene dandara atene ala hinga Nzapa, andâ na lege ti sarango ye ti ala,+ ala bere tënë ti lo awe, ndali ti so ala yeke azo so a ke ala awe, azo ti mango yanga pëpe nga a bâ so ala lingbi na mbeni nzoni kua oko pëpe.

Kete tënë

Wala “asioni molenge.”
Wala “zo ti pikango zo pëpe.”
Wala “lo hinga ti bâ yâ ti aye nzoni.”