Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Ruth 4:1-22

LI TI ATËNË NI

  • Boaz asara kua ti lo ti zo so ayeke na droit ti futa ye ti zi zo (1-12)

  • Boaz na Ruth adü Obed (13-17)

  • Molongo ti ahale ti David (18-22)

4  Boaz amonté na yanga ti gbagba ti gbata ni,+ lo duti kâ. Mo ye ti bâ, zo so ayeke na droit ti futa ye ti zi zo, lo so Boaz asara tënë ti lo,+ ayeke hon. Tongaso, Boaz atene na lo: “Koli, ga mo duti ge si.” Koli ni aga aduti.  Na pekoni, Boaz abungbi ambeni ancien ti gbata ni bale-oko,+ lo tene na ala: “Ala duti ge si.” Na ala duti.  Boaz atene na koli ni:+ “Naomi, so alondo na sese ti Moab si akiri,+ adoit ti kä sese so ayeke ti ita ti e Élimélek.+  Ni la mbi bâ so a yeke nzoni mbi sara tënë ni na mo, nga mbi tene: ‘Mo vo sese ni na lê ti azo ti gbata ni nga na a-ancien ti azo ti mbi.+ Tongana mo ye ti vo ni, mo vo ni; me tongana mo ye ti vo ni pëpe, mo tene na mbi si mbi hinga, ndali ti so mo la mo yeke na droit ti vo sese ni, na mbi ga ti mbi gï na peko ti mo.’” Koli ni atene: “Mbi yeke nduru ti vo ni.”+  Tongaso Boaz atene: “Na lango so mo yeke vo sese ni na maboko ti Naomi, mo doit ti vo ni nga na maboko ti Ruth, wali ti kodro ti Moab, so ayeke wali ti wakuâ ni, tongaso si iri ti wakuâ ni angbâ na ndö ti héritage ti lo.”+  Na mango tënë so, koli ni atene: “Mbi lingbi ti vo ni pëpe, ndali ti so mbi yeke buba héritage ti mbi. Mbi zia na mo droit ti mbi ti vo ni si a ga ti mo, ndali ti so mbi lingbi ti vo ni pëpe.”  Ândö na Israël, ti tene a hinga so azo amä terê awe na ndö ti tënë ti droit ti kiri ti vo ye nga na ndö ti tënë ti changengo ye na popo ti mba, a yeke sara ka tongaso: Mbeni zo ni oko ayeke zi poro na gere ti lo+ na lo mû ni na mba ti lo. A yeke tongaso si azo na Israël ayeke fa so ala mä terê awe.*  Ni la na ngoi so zo so ayeke na droit ti futa ye ti zi zo atene na Boaz: “Mo vo sese ni si aga ti mo,” lo zi poro na gere ti lo.  Boaz atene na a-ancien ni nga na azo kue, lo tene: “Laso ala yeke témoin+ so mbi yeke vo na maboko ti Naomi ye kue so ayeke ti Élimélek nga ye kue so ayeke ti Kilion nga na Mahlon. 10  Nga, mbi yeke mû Ruth, zo ti kodro ti Moab, so ayeke wali ti Mahlon, ti ga wali ti mbi si iri ti wakuâ ni angbâ na ndö ti héritage ti lo,+ nga si a zi iri ti lo na popo ti aita ti lo pëpe nga na yanga ti gbagba ti kodro ti lo pëpe. Laso ala yeke témoin ni.”+ 11  Na mango tënë so, azo kue so ayeke na yanga ti gbagba ti gbata ni nga na a-ancien ni atene: “E yeke témoin ni! Zia Jéhovah asara si wali so ayeke ga na da ti mo aduti tongana Rachel nga tongana Léa, awali use so ahale ti Israël abâ gigi na lege ti ala.+ E ye si aye ti mo amaï na Éphrathah+ nga mo wara nzoni iri* na yâ ti Bethléhem.+ 12  Zia da ti mo aga tongana da ti Pérès,+ so Tamar adü na Juda, grâce na amolenge so Jéhovah ayeke mû na mo na lege ti maseka-wali so.”+ 13  Tongaso Boaz amû Ruth, na lo ga wali ti lo. Lo bungbi na lo, na Jéhovah asara si lo mû ngo na lo dü molenge ti koli. 14  Awali atene na Naomi: “Zia a sepela Jéhovah, lo so asara si laso mo wara zo so ayeke na droit ti futa ye ti zi zo. Zia a fa iri ti lo na yâ ti Israël! 15  Lo* sara si* gigi* ti mo akiri anzere na mo, nga lo yeke bata mo na lâ ti mbakoro ti mo, ndali ti so kogara ti mo la adü lo, lo so aye mo mingi+ nga so asara nzoni na mo ahon amolenge-koli mbasambala.” 16  Naomi amû molenge ni, lo zia lo na kate ti lo, nga lo bâ lege ti lo.* 17  Awali so ayeke avoizin ti Naomi amû iri na molenge ni. Ala tene: “A dü molenge-koli na Naomi,” na ala zia iri ti lo Obed.+ Lo yeke babâ ti Jessé,+ so ayeke babâ ti David. 18  Ahale* ti Pérès ayeke so: Pérès+ adü Hesron,+ 19  Hesron adü Ram, Ram adü Aminadab,+ 20  Aminadab+ adü Nahshon, Nahshon adü Salmon, 21  Salmon adü Boaz, Boaz adü Obed, 22  Obed adü Jessé,+ na Jessé adü David.+

Kete tënë

Wala “A yeke ye so a mû ni ti duti tongana témoin.”
Na Hébreu: “mo to mbela na mbeni iri.”
So ti tene molenge ni so ayeke âta ti Naomi.
Wala “ga zo so asara si.”
Wala “âme.”
Wala “lo ga zo ti batango lo.”
Na Hébreu: “Molongo ti azo so abâ gigi na lege ti.”