Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 99:1-9

LI TI ATËNË NI

  • Jéhovah, Gbia so ayeke nzoni-kue

    • Lo duti na ndö ti trône na ndö ti achérubin (1)

    • Nzapa ayeke pardonné zo nga lo yeke punir zo (8)

99  Jéhovah aga Gbia awe.+ Zia si terê ti azo adö. Lo duti na ndö ti trône na ndö ti* achérubin.+ Zia si sese ayengi.   Jéhovah ayeke kota na Sion, lo yeke na nduzu na ndö ti azo kue.+   Zia si ala sepela iri ti mo so ayeke kota+ ndali ti so iri ni amû mbeto mingi nga ayeke nzoni-kue.   Lo yeke ngangu gbia so aye fango ngbanga ti mbilimbili.+ Mo sara si ye so ayeke na lege ni aluti nzoni. Mo sara si fango ngbanga ti mbilimbili nga na sarango ye ti mbilimbili+ amû ndo na popo ti ahale ti Jacob.   Ala gonda Jéhovah Nzapa ti e,+ na ala kuku* na gbele mbata ti gere ti lo;+ lo yeke nzoni-kue.+   Moïse na Aaron ayeke na popo ti aprêtre ti lo,+ nga Samuel ayeke na popo ti azo so adi iri ti lo.+ Ala iri lani Jéhovah, na lo kiri tënë na ala.+   Lo yeke sara tënë na ala na yâ ti mbinda.+ Ala bata lani awango ti lo nga na mbela so lo mû na ala.+   Jéhovah Nzapa ti e, lani mo kiri tënë na ala.+ Mo yeke Nzapa so apardonné ala,+ me mo punir* ala ndali ti asioni ye so ala sara.+   Ala gonda Jéhovah Nzapa ti e,+ ala kuku* na gbe ti hoto ti lo so ayeke nzoni-kue,+ ndali ti so Jéhovah Nzapa ti e ayeke nzoni-kue.+

Kete tënë

A lingbi nga ti tene “na popo ti.”
Wala “voro lo.”
Na Hébreu: “mo kiri sioni na.”
Wala “voro lo.”