Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 98:1-9

LI TI ATËNË NI

  • Jéhovah ayeke Salut ti e nga nzoni Juge

    • A fa tënë ti salut ti Jéhovah na azo kue (2, 3)

Bia. 98  Ala he fini bia na Jéhovah,+ndali ti so lo sara aye so adö bê.+ Maboko ti lo ti koli, maboko ti lo so ayeke nzoni-kue, aga na salut.*+   Jéhovah asara si a hinga tënë ti salut ti lo;+lo fa mbilimbili ti lo na lê ti amara.+   Lo dabe ti lo na tâ ndoye so lo fa na azo ti Israël nga so lo yeke be-ta-zo na ala.+ Azo na nda ti sese kue abâ salut so Nzapa ti e amû.*+   Azo ti sese kue, ala dekongo ti songo benda na Jéhovah. Ala duti na ngia, ala dekongo na ngia nga ala he bia ti sepela.*+   Ala he bia ti sepela* Jéhovah na lege ti harpe;na lege ti harpe nga na bia so atoto pendere.   Na lege ti atrompette nga na totongo ti didi,+ala dekongo ti songo benda na gbele Gbia Jéhovah.   Zia si ngu-ingo nga na aye kue so ayeke na yâ ni atoto ngangu;zia si sese* na azo so ayeke na ndö ni adekongo ngangu.   Zia si akota ngu apika maboko;zia si ahoto abungbi oko ala dekongo na ngia+   na gbele Jéhovah, ndali ti so lo yeke ga* ti fâ ngbanga ti sese. Lo yeke fâ ande ngbanga ti azo ti sese kue* na lege ti mbilimbili,+nga lo yeke fâ ngbanga ti azo ti amara na lege ni.+

Kete tënë

Wala “asara si lo sö benda.”
Wala “songo benda ti Nzapa ti e.”
Wala “ala pika mozoko.”
Wala “pika mozoko na.”
Wala “sese so kobe alingbi ti sigi dä.”
Wala “lo ga awe.”
Wala “sese so kobe alingbi ti sigi dä.”