Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 97:1-12

LI TI ATËNË NI

  • A yâa Jéhovah na ndö ti tanga ti anzapa kue

    • “Jéhovah aga Gbia awe!” (1)

    • Ye Jéhovah na ke ye ti sioni (10)

    • Lumière ndali ti zo ti mbilimbili (11)

97  Jéhovah aga gbia awe!+ Zia sese aduti na ngia.+ Zia gbâ ti azoa kue asara ngia.+   Ambinda nga na bingo so avuko ngangu angoro terê ti lo kue;+ mbilimbili na fango ngbanga ti mbilimbili ayeke fondation ti trône ti lo.+   Mbeni wâ ayeke gbi ye na gbele lo,+ a gbi awato ti lo so angoro terê ti lo kue.+   Wâ ti bekpa ti lo aza na ndö ti sese; sese abâ ni na adö ngangu.+   Ahoto amû wâ aga tongana cire na gbele Jéhovah,+ na gbele Seigneur ti sese kue.   Yayu afa tënë ti mbilimbili ti lo, na azo kue abâ gloire ti lo.+   Zia si kamene asara azo kue so ayeke voro ayanda so a leke ni na kode,+ azo so ayeke pika kate na ndö ti anzapa ti ala so ayeke ye oko pëpe.+ Ala anzapa kue,+ ala kuku na gbe ti* lo.   Jéhovah, Sion amä tënë ni na terê ti lo anzere;+ akodro* ti Juda ayeke na ngia ndali ti angbanga so mo fâ.+   Jéhovah, Mo la Mo yeke na nduzu na ndö ti aye kue, même na ndö ti sese kue; a yâa mo na nduzu mingi ahon tanga ti anzapa kue.+ 10  Ala azo so aye Jéhovah, ala ke ye ti sioni.+ Lo yeke bata fini* ti azo ti lo so ayeke be-ta-zo;+ lo zi ala na maboko* ti azo ti sioni.+ 11  Lumière aza ndali ti azo ti mbilimbili,+ nga ngia ayeke dä ndali ti azo so bê ti ala avuru. 12  Azo ti mbilimbili, ala duti na ngia ndali ti Jéhovah, ala kiri singila ndali ti iri ti lo so ayeke nzoni-kue.*

Kete tënë

Wala “voro.”
Na Hébreu: “amolenge-wali.”
Wala “âme.”
Wala “na gbe ti ngangu.”
Na Hébreu: “ndali ti ye so adabe ti azo na lo.”