Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 96:1-13

LI TI ATËNË NI

  • “He fini bia na Jéhovah”

    • Jéhovah alingbi ti tene a sepela lo ahon tanga ti azo kue (4)

    • Anzapa ti azo ayeke ye oko ape (5)

    • Yü pendere bongo ti voro na Nzapa (9)

96  Ala he fini bia na Jéhovah.+ Azo ti sese kue, ala he bia na Jéhovah!+   Ala he bia na Jéhovah, ala sepela iri ti lo. Lâ oko oko, ala fa nzoni tënë ti salut ti lo.+   Ala fa tënë ti gloire ti lo na popo ti amara, ala fa na popo ti azo ti amara kue tënë ti akusala ti lo so adö bê.+   Jéhovah ayeke kota nga lo lingbi ti tene a sepela lo ahon tanga ti azo kue. Lo mû mbeto na zo ahon tanga ti anzapa kue.   Anzapa kue ti azo ayeke ye oko pëpe,+ me Jéhovah la asara yayu.+   A yeke bâ akota ye so apika bê nga na gloire na ndo so lo yeke dä;+ a yeke bâ ngangu nga na pendere ti ye na ndo ti lo so ayeke nzoni-kue.+   Asewa ti azo ti amara, ala mû na Jéhovah ye so lo yeke na droit ti wara ni, ala mû ni na Jéhovah ndali ti gloire nga na ngangu ti lo.+   Ala mû na Jéhovah gloire so alingbi na iri ti lo;+ ala mû amatabisi ti ala, ala ga na ni na lê ti alacour ti lo.   Ala yü apendere bongo so a zia ni nde ndali ti kua ti Nzapa, ala kuku na gbe ti* Jéhovah; azo ti sese kue, ala dö na mbeto na gbele lo. 10  Ala tene na popo ti amara: “Jéhovah aga Gbia awe!+ Gere ti sese* aluti nzoni; a lingbi ti bougé ni* pëpe. Lo yeke fâ ngbanga ti* azo na lege ni.”+ 11  Zia si yayu aduti na ngia, sese nga asara ngia. Zia si ngu-ingo nga na aye kue so ayeke na yâ ni atoto ngangu.+ 12  Zia si benyama nga na aye kue so ayeke dä aduti na ngia.+ Na oko ngoi ni, zia akeke kue ti yâ ti gbako adekongo na ngia+ 13  na gbele Jéhovah, ndali ti so lo yeke ga;* lo yeke ga ti fâ ngbanga ti sese. Lo yeke fâ ande ngbanga ti azo ti sese kue* na lege ti mbilimbili,+ na lo yeke fâ ngbanga ti azo ti amara kue na dutingo be-ta-zo.+

Kete tënë

Wala “ala voro.”
Wala “Sese so kobe alingbi ti sigi dä.”
Wala “ti yengi ni.”
Wala “gbu koko ti.”
Wala “lo ga awe.”
Wala “sese so kobe alingbi ti sigi dä.”