Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 95:1-11

LI TI ATËNË NI

  • Tâ vorongo ague oko na mango yanga

    • “Laso, tongana ala mä go ti lo” (7)

    • “Ala kpengba bê ti ala ape” (8)

    • “Ala yeke lï ande na yâ ti wungo terê ti mbi ape” (11)

95  Ala ga, e dekongo na ngia na Jéhovah! Zia e dekongo ti songo benda na Kota tênë ti salut ti e.+   Zia e ga na gbele* lo na atënë ti singila;+zia e he bia nga e dekongo ti songo benda na lo,   ndali ti so Jéhovah ayeke kota Nzapa,lo yeke kota Gbia na ndö ti tanga ti anzapa kue.+   Ando so ayeke na gbe ti sese kâ ayeke na yâ ti maboko ti lo;ali ti ahoto ayeke ti lo.+   Ngu-ingo so lo sara ni ayeke ti lo,+nga maboko ti lo asara kuru sese.+   Ala ga, e voro lo nga e kuku na gbe ti lo;zia e sara agenou na devant ti Jéhovah so asara e,+   ndali ti so lo yeke Nzapa ti e,na e yeke azo ti ndo ti tengo pere ti lo,ataba so lo yeke bâ lege ti ala.*+ Laso, tongana ala mä go ti lo,+   ala kpengba bê ti ala pëpe tongana ti so a sara na Méribah,*+na lango so ala yeke na Massah* na yâ ti benyama,+   na ngoi so akotara ti ala azia mbi na tara;+ala dë kite na mbi, atâa so ala bâ akusala ti mbi.+ 10  Na yâ ti ngu 40, bê ti mbi ason ngangu na terê ti azo ti ngoi ni so, na mbi tene: “Ala yeke azo so lakue na yâ ti bê ti ala, ala yeke girisa lege;ala hinga alege ti mbi pëpe.” 11  Tongaso, na yâ ti ngonzo ti mbi, mbi deba yanga, mbi tene: “Ala yeke lï ande na yâ ti wungo terê ti mbi pëpe.”+

Kete tënë

Na Hébreu: “na gbe ti lê ti.”
Na Hébreu: “ataba ti maboko ti lo.”
Ndani aye ti tene “Papa.”
Ndani aye ti tene “Tara; Ye ti ngangu.”