Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 94:1-23

LI TI ATËNË NI

  • Sambela ti tene Nzapa akiri sioni na azo ti sioni

    • “Juska lawa la azo ti sioni ayeke ngbâ?” (3)

    • Fango lege ti Jah aga na zo ngia (12)

    • Nzapa ayeke ke azo ti lo ape (14)

    • ‘A tourné yâ ti ndia ti ga na kpale na zo’ (20)

94  Jéhovah, Nzapa so akiri sioni na azo ti sioni,+ Nzapa so akiri sioni na azo ti sioni, sigi, mo su ngangu!   Juge ti sese, mo londo.+ Sara na azo ti baba alingbi na ye so ala sara.+   Jéhovah, juska lawa? Juska lawa la azo ti sioni ayeke ngbâ ti duti na ngia?+   Ala diko gbâ ti tënë nga ala sara tënë na fandara; pikango kate ahon ndö ti azo kue so ayeke sara sioni.   Jéhovah, ala neka azo ti mo,+ ala sara pasi na héritage ti mo.   Ala fâ wali-mua nga na wande so asara kodro na ndo ni, ala fâ amolenge so babâ ti ala ayeke dä pëpe.   Ala tene: “Jah abâ ni pëpe;+ Nzapa ti Jacob abi bê ti lo dä pëpe.”+   Ala azo so ahinga ti gbu li nzoni pëpe, zia ala gi ti mä yâ ti ye so; ala azo ti buba, lawa la ala yeke fa so ala hinga ti bâ yâ ti ye nzoni?+   Lo so asara mê, lo peut ti mä ndo ape? Lo so asara lê, lo peut ti bâ ndo ape?+ 10  Lo so akiri na amara na nzoni lege, lo peut ti suku na zo ape?+ Lo la lo mû hingango ye na azo.+ 11  Jéhovah ahinga apensé ti azo, lo hinga so ala yeke gï senge pupu so zo awu.+ 12  Jah, ngia ayeke na zo so mo kiri na lo na nzoni lege+ na so mo fa ye na lo na lege ti ndia ti mo,+ 13  ti sara si lo duti na siriri na ngoi ti ye ti ngangu, juska a zi dû ndali ti azo ti sioni.+ 14  Jéhovah ayeke ke azo ti lo pëpe,+ nga lo yeke dö héritage ti lo ti zia pëpe.+ 15  A yeke kiri ti fâ ngbanga na lege ni, na azo kue so bê ti ala avuru ayeke sara ye alingbi na ni. 16  Zo wa la ayeke londo ti tiri na azo ti sioni ndali ti mbi? Zo wa la ayeke mû mbage ti mbi ti tiri na azo so asara sioni? 17  Tongana fade Jéhovah amû maboko na mbi pëpe, ka gï na yâ ti kete ngoi, mbi* kui.*+ 18  Tongana mbi tene: “Gere ti mbi aglissé glissengo,” Jéhovah, tâ ndoye ti mo angbâ ti gbu mbi na nduzu.+ 19  Na ngoi so agingo bê* ahon ndö ti mbi,* mo dë bê ti mbi nga mo sara si mbi duti na siriri.*+ 20  Asioni zo so akomande alingbi ti sara beoko na mo? So ala yeke tourné yâ ti ndia* ti ga na kpale na azo so?+ 21  Ala tiri ngangu mingi na zo ti mbilimbili*+ nga ala fâ ngbanga ti kuâ na ndö ti zo so tënë ayeke na li ti lo pëpe.+ 22  Me Jéhovah ayeke ga nzoni ndo so mbi yeke bata terê ti mbi dä;* Nzapa ti mbi ayeke kota tênë so mbi kpe dä ti bata terê ti mbi.+ 23  Lo yeke sara si asioni ye so ala sara akiri na ndö ti ala wani.+ Lo yeke futi* ala na lege ti sioni ti ala wani. Jéhovah, Nzapa ti e, ayeke fâ* ala.+

Kete tënë

Wala “âme ti mbi.”
Na Hébreu: “mbi sara kodro na ndo so bruit ayeke dä pëpe.”
Wala “apensé so asara si mbi gi bê ti mbi.”
Wala “aga gbani na yâ ti mbi.”
Wala “aye so mo sara ti dë bê ti mbi asara si âme ti mbi aduti na siriri.”
Wala “sigi na ambela.”
Wala “âme ti zo ti mbilimbili.”
Wala “nzoni ndo ti batango terê so ayeke na nduzu.”
Na Hébreu: “kanga yanga ti.”
Na Hébreu: “kanga yanga ti.”