Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 92:1-15

LI TI ATËNË NI

  • A gonda Jéhovah tënë ti lakue lakue

    • Akota kusala ti lo nga na apensé ti lo so alï mingi (5)

    • ‘Zo ti mbilimbili ayeke maï tongana mbeni keke’ (12)

    • Ambakoro ayeke ngbâ ti maï (14)

Bia. Bia ti lango ti Sabbat. 92  A yeke nzoni ti kiri singila na mo Jéhovah+ nga ti he bia ti sepela* iri ti mo, Mo so mo yeke na nduzu na ndö ti aye kue,   ti fa tënë ti tâ ndoye+ ti mo na ndapre nga ti fa lakue na bï so mo yeke be-ta-zo,   ti sara ni na lege ti ye ti mozoko so ayeke na kamba bale-oko nga na kundi,* nga na lege ti pendere totongo ti harpe.+   Jéhovah, mo sara si mbi duti na ngia ndali ti akusala ti mo; mbi dekongo na ngia ndali ti akusala ti maboko ti mo.   Jéhovah, akusala ti mo ayeke kota mingi!+ Apensé ti mo alï mingi!+   Zo so ahinga ti gbu li nzoni pëpe alingbi ti hinga ni pëpe; nga zo ti buba alingbi pëpe ti mä yâ ti tënë so:+   Tongana azo ti sioni ayeke sigi tongana asioni pere* nga tongana azo kue so ayeke sara sioni amaï pendere, a yeke ti tene a futi ala biani biani.+   Me mo, Jéhovah, a yeke yâa mo na nduzu lakue lakue.   Jéhovah, bi lê ti mo, mo bâ tingo ti awato ti mo; bâ tongana nyen awato ti mo ayeke kui; azo kue so ayeke sara sioni, yâ ti ala ayeke kangbi kirikiri.+ 10  Me mo yeke sara si mbi kiri mbi ga ngangu mingi tongana* ngbä; mbi yeke zia mafuta na terê ti mbi ti tene awoko pendere.+ 11  Lê ti mbi ayeke bâ tingo ti awato ti mbi;+ mê ti mbi ayeke mä tënë ti tingo ti azo ti sioni so atiri na mbi. 12  Me azo ti mbilimbili ayeke maï pendere tongana keke ti mbûrü nga ala yeke kono ti ga kota tongana keke ti cèdre ti Liban.+ 13  A lu ala tongana keke na yâ ti da ti Jéhovah; ala maï pendere na lê ti alacour ti Nzapa ti e.+ 14  Même na lâ ti mbakoro ti ala,* ala yeke ngbâ ti maï,+ ala yeke ngbâ ngangu* nga ala yeke ngbâ ti za,+ 15  ti fa so Jéhovah ayeke mbilimbili. Lo yeke Kota tênë ti mbi,+ nga lo sara ye kirikiri pëpe.

Kete tënë

Wala “pika mozoko na.”
Mbeni ye ti mozoko so ayeke tongana guitare.
Wala “pere.”
Na Hébreu: “Mo yeke yâa didi ti mbi na nduzu tongana ti.”
Wala “na ngoi so kuä ti li ti ala avuru.”
Na Hébreu: “mafuta ti terê ti ala ayeke ngbâ.”