Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 90:1-17

LI TI ATËNË NI

  • Nzapa ti lakue lakue na zo so gigi ti lo aninga ape

    • Ngu saki oko ayeke tongana lango ti biri (4)

    • Fini ti zo aninga ngu 70-80 (10)

    • “Fa na e tongana nyen ti diko alango ti e” (12)

Sambela ti Moïse, zo ti tâ Nzapa.+ 90  Jéhovah, na yâ ti angoi nde nde so ahon, mo yeke ndo ti duti ti e.*+   Kozo si ahoto abâ gigi wala mo sara sese* nga na sese so kobe ayeke sigi dä,+ ngbene ye lakue lakue nga lakue lakue, mo yeke Nzapa.+   Mo sara si senge zo akiri na fuku ti sese, Mo tene: “Ala amolenge ti azo, ala kiri na fuku ti sese.”+   Na lê ti mo, ngu saki oko ayeke gï tongana lango ti biri so ahon awe,+ a yeke gï tongana ambeni ngbonga ti bï.   Mo hon na azo gï hio tongaso;+ ala girisa tongana bango li; na ndapre, ala yeke tongana pere so asigi.+   Na ndapre, a sara fleur nga a kiri a ga pendere, me ti si na lakui, a kui na a hule.+   Ngonzo ti mo ahunzi e kue+ nga kota ngonzo ti mo azia mbeto na bê ti e.   Mo zia afaute ti e na gbele mo,*+ lumière ti lê ti mo asara si aye so e ye ti tene azo ahinga ni asigi polele.+   Alango* ti e ague yeke yeke ti hunzi ndali ti kota ngonzo ti mo; ngu ti e ahunzi hio tongana pupu ti yâ ti zo so ahon. 10  Fini ti e aninga ngu 70, wala ngu 80+ tongana zo ni ayeke ngangu.* Me angu so kue asi singo na akpale nga na vundu; a yeke hon gï hio tongaso, na e huru e hon.+ 11  Zo wa la apeut ti hinga ngangu ti ngonzo ti mo zo wa? Gï tongana ti so mo lingbi ti tene a kpe mbeto ti mo mingi, ngonzo ti mo nga ayeke kota tongaso.+ 12  Fa na e tongana nyen ti diko alango ti e+ si e lingbi ti wara mbeni bê so ayeke na ndara. 13  Jéhovah, kiri!+ Juska lawa la ye ni ayeke ngbâ gï tongaso?+ Bâ mawa ti e awakua ti mo.+ 14  Na ndapre, sara si tâ ndoye ti mo+ alingbi na e, si e dekongo na ngia nga e sara ngia+ na yâ ti gigi ti e kue. 15  Sara si e duti na ngia aninga alingbi na wungo ti alango so mo sara si e bâ pasi,+ alingbi na wungo ti angu so na yâ ni aye ti ngangu awara e.+ 16  Zia si awakua ti mo abâ kusala ti mo nga zia si amolenge ti ala abâ gloire ti mo.+ 17  Zia si Jéhovah Nzapa ti e asara si nzoni bê ti lo aduti na ndö ti e; Sara si kua ti maboko ti e amaï.* Biani, sara si kua ti maboko ti e amaï.*+

Kete tënë

A lingbi nga ti tene “ndo so e gue dä ti bata terê ti e.”
Wala “sese abâ gigi tongana molenge so yâ ti mama ti lo ason ngbii si lo dü lo.”
Wala “Mo hinga afaute ti e.”
Wala “Fini.”
Wala “ndali ti mbeni ngangu so ayeke nde kete.”
Wala “aluti nzoni.”
Wala “aluti nzoni.”