Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 9:1-20

LI TI ATËNË NI

  • Akusala ti Nzapa so adö bê

    • Jéhovah, nzoni ndo ti batango terê (9)

    • Zo so ahinga iri ti Nzapa azia bê ti lo na Lo (10)

Na mokonzi ti azo ti pikango mozoko. Tënë ti Muth-Labben.* Bia ti David. א [Aleph] 9  Jéhovah, mbi yeke sepela mo na bê ti mbi kue; mbi yeke fa tënë ti akusala ti mo kue so adö bê.+   Mbi yeke duti na ngia nga mbi sara ngia ndali ti mo; Mo so mo yeke na nduzu na ndö ti aye kue,+ mbi yeke he bia* ti sepela iri ti mo. ב [Beth]   Na ngoi so awato ti mbi ayeke zi terê ti ala ti hon,+ ala yeke pika gere ti ala nga ala yeke kui na gbele mo.   Mo gbu koko ti mbi ndali ti so dema ti mbi ayeke na lege ni; Mo duti na ndö ti trône ti mo na mo yeke fâ ngbanga mbilimbili.+ ג [Guimel]   Mo suku na amara+ na mo futi azo ti sioni, mo zi iri ti ala biani biani.   A futi awato biani biani awe, mo futi agbata ti ala kue kue kue nga ye kue so adabe ti zo na ala ayeke girisa.+ ה []   Me Jéhovah ayeke ngbâ na ndö ti trône ti lo lakue lakue,+ lo lu gere ti trône ti lo nzoni ti fâ ngbanga mbilimbili.+   Lo yeke fâ ande ngbanga ti azo ti sese kue* mbilimbili;+ lo yeke fâ ngbanga ti amara na lege ni.+ ו [Waw]   Jéhovah ayeke ga nzoni ndo ti batango terê* ti azo so a sara pasi na ala,+ tâ ndo ti batango terê na angoi ti ye ti vundu.+ 10  Azo so ahinga iri ti mo ayeke zia bê ti ala na mo;+ Jéhovah, azo so agi mo, mo yeke zia ala lâ oko pëpe.+ ז [Zaïn] 11  Ala he bia ti sepela na Jéhovah so aduti na Sion; ala fa na popo ti azo+ tënë ti aye so lo sara. 12  Lo so akiri peko ti sioni na azo so atuku mênë, lo yeke dabe ti lo na ala so azo atuku mênë ti ala;+ lo yeke girisa pëpe toto ti azo so a sara pasi na ala.+ ח [Heth] 13  Jéhovah, sara nzoni bê na mbi; bâ pasi so azo so ake mbi ayeke sara na mbi, mo so mo zi ayanga ti gbagba ti kuâ si mo sigi na mbi,+ 14  si, na ayanga ti gbagba ti gbata ti Sion,+ mbi fa tënë ti aye so mo sara so alingbi na gonda, na mbi sara ngia ndali ti aye so mo sara ti sö zo.+ ט [Teth] 15  Dû so amara azi amene ala; gbanda so ala wani azia agbu gere ti ala.+ 16  A hinga Jéhovah na lege ti ngbanga so lo fâ.+ Ye so zo ti sioni asara na maboko ti lo wani agbu lo tongana kûkû.+ Higgaïon.* (Sélah) י [Yod] 17  Azo ti sioni ayeke kiri na peko ti tï na yâ ti Dû ti kuâ,* legeoko nga na amara kue so agirisa Nzapa. 18  Me a yeke girisa ande awayere lakue pëpe,+ nga azo so abâ terê ti ala kete ayeke ku gbä pëpe.+ כ [Kaph] 19  Jéhovah, mo londo! Zia zo ti sese ahon mo na ngangu pëpe. Mbi ye si a fâ ngbanga na li ti amara na lê ti mo.+ 20  Jéhovah, zia mbeto na yâ ti ala,+ sara si amara ahinga so ala yeke gï asenge zo. (Sélah)

Kete tënë

Wala “pika mozoko.”
Wala “sese so kobe alingbi ti sigi dä.”
Wala “nzoni ndo ti batango terê so ayeke na nduzu ndali.”
Wala “Shéol,” so ti tene dû ti kuâ so azo kue ayeke gue dä. Bâ na kete bakari.