Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 89:1-52

LI TI ATËNË NI

  • Hengo bia ndali ti tâ ndoye ti Jéhovah

    • Mbele so Nzapa ate na David (3)

    • Hale ti David ayeke ngbâ lakue lakue (4)

    • Lo so Nzapa atuku mafuta na li ti lo ayeke iri Lo “Babâ” (26)

    • Mbele so a te na David, gere ni aluti biani (34-37)

    • Zo apeut ti kpe Dû ti kuâ ape (48)

Maskil.* Psaume ti Éthan,+ zo ti mara ti Ezra. 89  Mbi yeke he bia lakue na ndö ti aye so Jéhovah asara ti fa tâ ndoye ti lo. Na yanga ti mbi, mbi yeke sara si azo ti angoi nde nde kue ahinga so mo yeke be-ta-zo.   Mbi tene: “Tâ ndoye ayeke ngbâ ti kpengba ti gue na ni* lakue lakue;+ kâ na yayu, mo sara si a hinga nzoni mingi so mo yeke be-ta-zo.”  Mo tene: “Mbi te mbele na zo so mbi soro lo;+ mbi deba yanga na wakua ti mbi David,+ mbi tene:   ‘Mbi yeke sara si hale+ ti mo angbâ lakue lakue, na mbi yeke sara si gere ti trône ti mo aluti na yâ ti angoi nde nde kue so ayeke ga.’”+ (Sélah)   Jéhovah, yayu asepela akusala ti mo so adö bê; na yâ ti congrégation ti azo ti be-vulu, yayu asepela mo ndali ti so mo yeke be-ta-zo,   ndali ti so, na yayu, zo wa la a lingbi ti haka lo na Jéhovah zo wa?+ Na popo ti amolenge ti Nzapa,+ zo wa la ayeke tongana Jéhovah zo wa?   A ne Nzapa mingi na yâ ti bungbi ti azo ti be-vulu;+ na lê ti azo kue so angoro lo, lo yeke kota mingi nga lo mû mbeto mingi.+   Jéhovah, Nzapa ti aturugu, zo wa la ayeke na ngangu mingi tongana mo Jah?+ Mo yeke be-ta-zo na yâ ti aye kue.+   Mo komande ngu-ingo so ayeke yengi ngangu;+ tongana amapo ni alondo, mo sara si ala kaï kpô.+ 10  Mo neka yâ ti Rahab+ tongana zo so a fâ lo.+ Na ngangu maboko ti mo, mo kangbi yâ ti awato ti mo.+ 11  Yayu ayeke ti mo nga sese ayeke ti mo;+ sese so kobe ayeke sigi dä nga na ye kue so ayeke na ndö ni,+ mo la mo sara ni. 12  Nord na sud, mo la mo sara ni; Tabor+ na Hermon+ asepela iri ti mo na ngia. 13  Maboko ti mo ayeke ngangu mingi,+ maboko ti mo ayeke ngangu,+ a yâa maboko ti mo ti koli mingi.+ 14  Mbilimbili nga na fango ngbanga ti mbilimbili ayeke fondation ti trône ti mo;+ tâ ndoye nga na dutingo be-ta-zo aluti na gbele mo.+ 15  Ngia ayeke na azo so ahinga dekongo ti ngia.+ Jéhovah, ala yeke tambela na yâ ti lumière ti lê ti mo. 16  Na yâ ti lango ni kue, bê ti ala ayeke na ngia ndali ti iri ti mo; grâce na mbilimbili ti mo, a yâa ala na nduzu. 17  Mo la mo yeke gloire ti ngangu ti ala,+ grâce na nzoni bê so mo sara na e, e kiri e wara ngangu mingi.*+ 18  Vala ti e ayeke ti Jéhovah, gbia ti e ayeke ti Nzapa ti Israël so ayeke nzoni-kue.+ 19  Na ngoi ni so, mo sara tënë na yâ ti vision na awakua ti mo so ayeke be-ta-zo, mo tene: “Mbi mû ngangu na mbeni wangangu;+ mbi yâa na nduzu lo so mbi soro lo na popo ti azo ni.+ 20  Mbi wara wakua ti mbi David;+ mbi tuku mafuta ti mbi so ayeke nzoni-kue na li ti lo ti soro lo.+ 21  Maboko ti mbi ayeke gbu lo na nduzu;+ maboko ti mbi ayeke kpengba lo. 22  Wato ayeke hunda na lo pëpe ti futa mbeni impôt so lo doit ti futa; zo ti kirikiri ayeke sara pasi na lo pëpe.+ 23  Mbi yeke neka yâ ti awato ti lo kete kete na gbele lo,+ na mbi yeke pika na sese azo so ake lo.+ 24  Mbi yeke fa na lo tâ ndoye nga so mbi yeke be-ta-zo,+ nga grâce na iri ti mbi, lo yeke kiri ti wara ngangu mingi.* 25  Mbi yeke zia maboko* ti lo na ndö ti ngu-ingo nga mbi yeke zia maboko ti lo ti koli na ndö ti akota ngu.+ 26  Lo yeke dekongo na mbi, lo tene: ‘Mo yeke Babâ ti mbi, Nzapa ti mbi nga Kota tênë ti salut ti mbi.’+ 27  Mbi yeke mû na lo ndo ti kozo molenge,+ mbi yeke zia lo na nduzu mingi ahon agbia kue ti sese.+ 28  Mbi yeke bata tâ ndoye ti mbi na mbage ti lo lakue lakue,+ na mbele so mbi te na lo ayeke tï na ngu lâ oko pëpe.+ 29  Mbi yeke sara si hale* ti lo angbâ lakue lakue, na mbi yeke sara si trône ti lo angbâ aninga tongana yayu.+ 30  Tongana amolenge ti lo adö ndia ti mbi azia na ala ke ti sara ye alingbi na ambela* ti mbi, 31  nga tongana ala ke andia ti mbi na ala bata acommandement ti mbi pëpe, 32  mbi yeke punir ala na keke ndali ti so ala ke yanga,*+ na mbi yeke pika ala na zaza ndali ti faute ti ala. 33  Me mbi yeke zia lâ oko pëpe ti fa tâ ndoye na lo,+ nga mbi yeke sara ye ague nde na zendo ti mbi pëpe. 34  Mbi yeke buba yâ ti mbele ti mbi pëpe,+ wala mbi yeke changé tënë ti yanga ti mbi pëpe.+ 35  So mbi yeke nzoni-kue, mbi deba yanga ti mbi gï fani oko awe; mbi yeke tene mvene na David pëpe.+ 36  Hale* ti lo ayeke ngbâ lakue lakue;+ trône ti lo ayeke ninga na gbele mbi tongana lâ.+ 37  A yeke sara si trône ti lo aluti nzoni lakue lakue tongana nze so ayeke témoin so ayeke lakue na lê ti nduzu.” (Sélah) 38  Me mo tomba lo na terê ti mo nga mo ke lo;+ mo sara ngonzo mingi na terê ti zo ti mo so mo soro lo. 39  Mo ke tâ na bê oko mbele so mo te na wakua ti mo; mo bi couronne* ti lo na sese ti buba nengo ni. 40  Mo kungbi na sese agbagba ti lo kue so a leke na tênë;* mo sara si angangu gbagba ti lo abuba kue. 41  Azo kue so ahon hongo na lege anzi aye ti lo kue; lo yeke ye ti zonga na lê ti azo ti amara so ayeke nduru na lo.+ 42  Mo sara si awato ti lo asö benda;*+ mo sara si terê ti awato ti lo kue anzere. 43  Mo sara nga si épée ti lo akiri kiringo na peko, mo sara si lo kiri kiringo na peko na yâ ti bira. 44  Mo sara si gloire ti lo ahunzi, na mo bi trône ti lo na sese. 45  Mo sara si lâ ti maseka ti lo ahunzi hio; mo sara si kamene ahon ndö ti lo. (Sélah) 46  Jéhovah, juska lawa la mo yeke honde terê ti mo na e? Mo yeke honde terê ti mo biani biani?+ Kota ngonzo ti mo ayeke ngbâ ti gbi tongana wâ? 47  Dabe ti mo so gigi ti mbi aninga oko pëpe.+ Mo sara azo kue gï senge senge tongaso? 48  Zo wa la ayeke ngbâ gï na fini si lo kui lâ oko ape?+ Lo lingbi ti zi fini* ti lo na maboko ti Dû ti kuâ?* (Sélah) 49  Jéhovah, aye so mo sara lani ti fa tâ ndoye ti mo ayeke fadeso na ndo wa? Aye so mo deba lani na David ti ngbâ lakue ti sara ni.+ 50  Jéhovah, dabe ti mo na zonga so azo abi na ndö ti awakua ti mo; nga girisa pëpe lege so a lingbi mbi kanga bê lani na* atënë ti gingo yanga so amara kue atene; 51  Jéhovah, girisa pëpe zonga so awato ti mo abi na ndö ti mbi, nga tongana nyen lakue tongana lo so mo soro lo abi gere ti lo, ala zonga lo. 52  Zia si a sepela Jéhovah lakue lakue. Amen, Amen.+

Kete tënë

Wala “ayeke ngbâ.”
Na Hébreu: “mo yâa didi ti e na nduzu.”
Na Hébreu: “a yeke yâa didi ti lo na nduzu.”
Wala “komandema.”
Na Hébreu: “ngongoa.”
Wala “afango ngbanga.”
Wala “ala sara kpengba-li.”
Na Hébreu: “Ngongoa.”
Wala “kpoto ti gbia.”
Wala “akpangba ti lo so ayeke na tênë.”
Na Hébreu: “yô maboko ti awato ti lo ti koli na nduzu.”
Wala “âme.”
Wala “Shéol,” so ti tene dû ti kuâ so azo kue ayeke gue dä. Bâ na kete bakari.
Na Hébreu: “mbi yô na kate ti mbi.”