Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 88:1-18

LI TI ATËNË NI

  • Sambela ti tene a zi zo na yâ ti kuâ

    • “A ngbâ kete mbi hon na yâ ti Dû ti kuâ” (3)

    • ‘Lakue na ndapre mbi sambela mo’ (13)

Bia. Bia ti amolenge ti Coré.+ Na mokonzi ti azo ti pikango mozoko, ti tene a pika ni alingbi na Mahalath;* ambeni ayeke he ni, ambeni ayeke fâ gbe ni. Maskil* ti Héman,+ zo ti mara ti Ezra. 88  Jéhovah, Nzapa ti salut ti mbi,+ na kota lâ, mbi toto na mo, na bï, mbi ga na gbele mo.+   Zia si sambela ti mbi asi na mo,+ dengi mê ti mo mo mä* toto so mbi yeke toto na mo ti mû maboko na mbi.+   Âme* ti mbi awara aye ti ngangu mingi,+ a ngbâ kete mbi hon na yâ ti Dû ti kuâ.*+   A diko mbi tongana oko ti azo so ayeke descend na yâ ti dû;*+ mbi ga zo so zo ti mû maboko na lo ayeke dä pëpe;*+  a zia mbi si mbi ngbâ na popo ti akuâ, mbi ga tongana azo so a fâ ala si ala yeke lango na yâ ti dû ti kuâ, azo so mo dabe ti mo na ala encore ape nga so a zi ala si mo bâ lege ti ala encore ape.*   Mo zia mbi na yâ ti dû so alï ahon atanga ni, na yâ ti ando so avuko, mbeni kota dû so alï mingi.   Kota ngonzo ti mo ane nengo na ndö ti mbi,+ mo sara si angangu mapo ti mo alondo akiri na ndö ti mbi. (Sélah)   Azo so mbi hinga ala, mo tomba ala yongoro na terê ti mbi awe;+ mo sara si mbi ga mbeni ye so ayeke sioni mingi na lê ti ala. Mbi yeke na yâ ti kanga, na mbi lingbi ti kpe pëpe.   Pasi ti mbi asara si lê ti mbi afatigué.+ Jéhovah, mbi toto na mo na yâ ti lango ni kue;+ mbi yôro maboko ti mbi na mo. 10  Mo yeke sara aye ti kpene ndali ti akuâ? Azo so akui awe na so ayeke na ngangu pëpe alingbi ti londo ti sepela mo?+ (Sélah) 11  A yeke fa tënë ti tâ ndoye ti mo na yâ ti dû ti kuâ? A yeke fa tënë ti dutingo be-ta-zo ti mo na ndo so ye afuti dä?* 12  Aye ti kpene so mo sara, a yeke hinga tënë ni na yâ ti bingo? Wala tënë ti mbilimbili ti mo na kodro ti azo so a girisa na ndö ti ala awe?+ 13  Me Jéhovah, mbi ngbâ lakue ti toto na mo ti mû maboko na mbi;+ lakue na ndapre, sambela ti mbi ayeke gue na gbele mo.+ 14  Jéhovah, mo ke mbi* ndali ti nyen?+ Mo honde lê ti mo na mbi ndali ti nyen?+ 15  Ngbene ye so mbi de maseka, mbi bâ pasi mingi nga a ngbâ kete mbi kui;+ aye ti ngangu so mo zia lege si asi na mbi asara si mbi woko kue. 16  Ngonzo ti mo so alondo tongana wâ atuku na ndö ti mbi;+ aye ti mungo mbeto so alondo na mo afuti mbi. 17  Na yâ ti lango ni kue, aye ni so angoro terê ti mbi kue tongana ngu; a kanga lege na mbi mbage na mbage kue.* 18  Akamarade ti mbi na amba ti mbi so mbi na ala ndo oko, mo tomba ala yongoro na mbi awe;+ vukongo ndo la aga mba ti mbi so mbi na lo lakue ndo oko.

Kete tënë

Wala “kuku na mo mä.”
Wala “Shéol,” so ti tene dû ti kuâ so azo kue ayeke gue dä. Bâ na kete bakari.
Wala “dû ti kuâ.”
Wala “tongana zo so ayeke na ngangu pëpe.”
Na Hébreu: “a zi ala na maboko ti mo.”
Wala “na yâ ti Abaddon.”
Wala “âme ti mbi.”
A lingbi nga ti tene “aye so kue na même ngoi.”