Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 86:1-17

LI TI ATËNË NI

  • Mbeni nzapa ti lingbi na Jéhovah ayeke dä ape

    • Jéhovah ayeke nduru ti pardonné zo (5)

    • A lingbi amara kue avoro Jéhovah (9)

    • “Fa na mbi ye so andu lege ti mo” (11)

    • “Sara si bê ti mbi aduti oko” (11)

Sambela ti David. 86  Jéhovah, dengi mê ti mo* na kiri tënë na mbi, ndali ti so mbi yeke na yâ ti pasi nga na yere.+   Bata fini* ti mbi, ndali ti so mbi yeke be-ta-zo.+ Sö mbi wakua ti mo so mbi zia bê ti mbi na ndö ti mo, ndali ti so mo yeke Nzapa ti mbi.+   Jéhovah, sara nzoni bê na mbi,+ ndali ti so mbi yeke iri ndo na mo na yâ ti lango ni kue.+   Jéhovah, sara si mbi wakua ti mo mbi duti* na ngia, ndali ti so mo la mbi tourné* na mbage ti mo.   Jéhovah, mo yeke nzoni+ nga mo yeke nduru ti pardonné zo;+ mo fa tâ ndoye ti mo mingi na mbage ti azo kue so airi ndo na mo.+   Jéhovah, mä sambela ti mbi; dengi mê mo mä atënë so mbi yeke tene ti voro yanga na mo ti mû maboko na mbi.+   Mbi yeke iri mo na ngoi ti vundu ti mbi,+ ndali ti so mo yeke kiri tënë na mbi.+   Jéhovah, na popo ti anzapa, mbeni tongana mo ayeke dä pëpe;+ mbeni kusala ti lingbi na ti mo ayeke dä pëpe.+   Jéhovah, amara kue so mo sara ayeke ga ande, na ala yeke kuku na gbe ti mo,+ na ala yeke mû gloire na iri ti mo,+ 10  ndali ti so mo yeke kota nga mo sara aye ti dongo bê;+ mo oko la mo yeke Nzapa.+ 11  Jéhovah, fa na mbi ye so andu lege ti mo.+ Mbi yeke tambela alingbi na tâ tënë ti mo.+ Sara si bê ti mbi aduti oko* ti kpe mbeto ti iri ti mo.+ 12  Jéhovah, Nzapa ti mbi, mbi sepela mo na bê ti mbi kue+ nga mbi yeke gonda iri ti mo lakue lakue, 13  ndali ti so tâ ndoye ti mo na mbage ti mbi ayeke kota, nga mo sö fini* ti mbi kâ na yâ ti Dû ti kuâ.*+ 14  Nzapa, azo ti fandara alondo na terê ti mbi;+ groupe ti azo so abâ mawa ti zo pëpe agi ti mû fini* ti mbi, ala ne mo oko pëpe.*+ 15  Me mo Jéhovah, mo yeke Nzapa so asara nzoni bê na zo nga so abâ mawa ti zo,* mo sara ngonzo hio hio pëpe, mo si singo na tâ ndoye nga mo yeke be-ta-zo mingi.*+ 16  Tourné na mbage ti mbi na sara nzoni bê na mbi.+ Mû ngangu ti mo na mbi wakua ti mo,+ sö fini ti mbi molenge ti ngbâa ti mo ti wali. 17  Sara mbeni ye ti fa na mbi so mo yeke nzoni mingi, si azo so ake mbi alingbi ti bâ ni na kamene asara ala, ndali ti so, mo Jéhovah, mo la mo yeke mû maboko na mbi nga mo yeke dë bê ti mbi.

Kete tënë

Wala “kuku na mo mä.”
Wala “âme.”
Wala “âme ti wakua ti mo aduti.”
Wala “mbi yâa âme ti mbi.”
Wala “Mû na mbi bê so yâ ni akangbi pëpe.”
Wala “âme.”
Wala “Shéol,” so ti tene dû ti kuâ so azo kue ayeke gue dä. Bâ na kete bakari.
Wala “âme.”
Wala “zia mo na gbele ala pëpe.”
Wala “mo yeke Nzapa ti grâce.”
Wala “nga mo si singo na tâ tënë.”