Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 85:1-13

LI TI ATËNË NI

  • Sambela ti tene Nzapa akiri na azo ti lo

    • Nzapa ayeke sara ande tënë ti siriri na abe-ta-zo (8)

    • Tâ ndoye nga na dutingo be-ta-zo ayeke wara terê (10)

Na mokonzi ti azo ti pikango mozoko. Psaume ti amolenge ti Coré.+ Bia. 85  Jéhovah, mo sara nzoni bê na kodro ti mo awe;+ mo kiri na ahale ti Jacob so a gbu ala na ngbâa.+   Mo pardonné faute ti azo ti mo awe; mo pardonné siokpari ti ala kue.+ (Sélah)   Mo kanga ndö ti kota ngonzo ti mo awe; mo zia lege ti ngonzo ti mo so alondo tongana wâ.+   Nzapa ti salut ti e, kiri na e na kozo dutingo ti e,* zia si bê ti mo ason na terê ti e encore ape.+   Ngonzo ayeke ngbâ ti gbu mo na terê ti e lakue lakue?+ Mo yeke ngbâ gï ti sara ngonzo na terê ti e na angoi nde nde kue so ayeke ga?   Mo yeke kiri ti mû na e ngangu ape? Si azo ti mo aduti na ngia ndali ti mo ape?+   Jéhovah, fa tâ ndoye ti mo na mbage ti e,+ na mû na e salut ti mo.   Mbi yeke mä tënë so tâ Nzapa, Jéhovah, atene, ndali ti so lo yeke fa tënë ti siriri na azo ti lo,+ azo ti lo so ayeke be-ta-zo; me zia ala kiri ala zia bê ti ala na ala wani ahon ndö ni pëpe.+   Biani, lo yeke nduru ti sö azo so akpe mbeto ti lo,+ si gloire ti lo aduti na yâ ti kodro ti e. 10  Tâ ndoye nga na dutingo be-ta-zo ayeke wara terê, mbilimbili na siriri ayeke su ngbangba ti mba.+ 11  Dutingo be-ta-zo ayeke sigi na sese tongana pere, nga mbilimbili ayeke ngbâ na yayu kâ lo bâ ndo na sese.+ 12  Biani, Jéhovah ayeke mû ye so ayeke nzoni,*+ nga sese ti e ayeke lë alê ti kobe nzoni.+ 13  Mbilimbili ayeke tambela na gbele lo+ na asuru lege ndali ti gere ti lo.

Kete tënë

Wala “kiri mo bungbi e ndo oko.”
Wala “sara si aye amaï.”