Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 84:1-12

LI TI ATËNË NI

  • Nzara ti kota tabernacle ti Nzapa

    • Mbeni zo ti mara ti Lévi aye ti ga tongana ndeke (3)

    • “Lango oko na lê ti alacour ti da ti mo” (10)

    • ‘Nzapa ayeke lâ nga na vala’ (11)

Na mokonzi ti azo ti pikango mozoko; tënë ti Guittith.* Psaume ti amolenge ti Coré.+ Bia. 84  Jéhovah ti aturugu, tabernacle ti mo so apika bê ti zo ayeke pendere mingi!*+   Mbi yeke* ku kungo nga mbi yeke na kota nzara ti duti na lê ti alacour ti Jéhovah.+ Bê ti mbi nga na terê ti mbi adekongo na ngia na Nzapa so ayeke na fini.   Même ndeke awara ndo ti lango ti lo kâ, nga hirondelle asara da ti lo kâ; lo bata amolenge ti lo kâ, nduru na gbalaka ti mo so apika bê ti zo, Jéhovah ti aturugu, Gbia ti mbi na Nzapa ti mbi!   Ngia ayeke na azo so asara kodro na yâ ti da ti mo!+ Ala yeke sepela mo lakue.+ (Sélah)   Ngia ayeke na azo so mo sara si ala wara ngangu,+ ala so bê ti ala kue ayeke gï na ndö ti alege so ague na da ti mo.   Na ngoi so ala yeke hon na yâ ti Popo-hoto ti Baca,* ala bâ ni tongana mbeni ndo so ngu ayeke sua dä; nga akozo ngu-nzapa asara si anzoni ye amû ndo ni kue.*   Na ngoi so ala yeke tambela, ngangu ti ala angbâ gï ngbango;+ zo oko oko asi na gbele Nzapa na Sion.   Jéhovah, Nzapa ti aturugu, mä sambela ti mbi; Nzapa ti Jacob, mä mbi. (Sélah)   Bâ, vala+ ti e nga Nzapa ti e;* bâ ndo na lê ti zo ti mo so mo soro lo.+ 10  Lango oko na lê ti alacour ti da ti mo ayeke nzoni ahon lango saki oko na mbeni ndo nde!+ Mbi soro ti luti na yanga ti da ti Nzapa ti mbi ahon ti sara kodro na yâ ti atente ti azo ti sioni. 11  Jéhovah Nzapa ayeke lâ+ nga na vala;+ lo sara nzoni bê nga lo mû gloire na zo. Jéhovah ayeke gbanzi nzoni ye oko pëpe na azo so ayeke sara ye lakue mbilimbili.+ 12  Jéhovah ti aturugu, ngia ayeke na zo so azia bê ti lo na ndö ti mo.+

Kete tënë

Wala “ye so azo aye ni mingi.”
Wala “Âme ti mbi ayeke.”
Wala “popo-hoto ti akeke ti baca.”
A lingbi nga ti tene “wafango ye asara si anzoni ye amû terê ti lo kue.”
A lingbi nga ti tene “Nzapa, bâ vala ti e.”